Luke 3:14 - Nǫ̀htsı̨ Nı̨htł'è

¹⁴ Eghǫǫ-dǫǫ̀, ededı̨ sı, John-Baptıst dageehke: “Ekò goxı̨ ayìı dàts'ele ha?” gıìhdı. Hagòhdı, “Sǫǫ̀mba gha dǫ k'alaahdè-le, eyıts'ǫ hoahts'ì t'à dǫ k'e nìdahoahɂà-le. Sǫǫ̀mba naxıts'àɂeedìı sìı eyı weghǫ hòt'a masì dahwhǫ,” gòhdı.

Luke 3:14 ပူးပေါင်းရင်းမြစ်များ

Matthew 8:5

Zezì kǫ̀ta Capernaum nììtła ekò eghǫǫ-dǫǫ̀ gha k'àowo Zezì sets'àdı ha nıwǫ t'à yets'ǫ̀ èhtła.

Luke 19:8

Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.

Luke 3:10

Eyıt'à dǫ John-Baptıst dageehke, “Hanì-ı̨dè ayìı dàts'ı̨ı̨là lì?” gıìhdı.

Luke 3:13

John-Baptıst gots'ǫ̀ hadı, “Sǫǫ̀mba t'aàtłǫ nàahtsį̀ naxègedıı sìı wexètłǫ zǫ nàahtsį̀. Eyı weɂǫ̀atłǫ nàahtsį̀-le,” gòhdı.

Zezì Wecheekeèdeè 10:7

Yak'eet'ı̨į̀ yets'ǫǫ̀ ajà tł'axǫǫ̀ Cornelıus edecheekeè nàke gokagoı̨de, eyıts'ǫ eghǫǫ-dǫǫ̀ ı̨łè yegha eghàlaedaa sìı Nǫ̀htsı̨ ghǫ hòtł'ò anıwǫ, eyı sı ts'ǫ̀ goı̨de.

Phılıppı 2:15

Hanì eghàlaahda nı̨dè hołı̨ı̨ dę nezı̨į̀ aahda ha eyıts'ǫ degaı laaht'e ha. Dǫ ehkw'ı geeda-le xè hołı̨ı̨ k'ę̀ę̀ geedaa sìı gıta nàahdè kò hołı̨ı̨ dę Nǫ̀htsı̨ weza aahłı̨ ha. Gıta whǫ̀ wek'e saı̨dı̨ laaht'e ha,

Phılıppı 4:11

T'asìı segha whìle t'à aehsı̨-le. Sexè hoı̨zı̨, hoı̨zı̨-le, ehk'ę̀ę̀ masì dehwhǫ k'èehsǫǫ̀ ahjà.

Tıtus 2:3

Eyı lanì ts'èko ǫhdaà sìı nàowo degaı k'ę̀ę̀ geeda gha hoghàgı̨ı̨htǫ. Dǫ gıızì jıı gııhtsı̨-le, jìetì ghageede ha-le, hanìkò t'asìı nezı̨ı̨ sìı hoghàgogııhtǫ.

John Wenazhıı 12:10

Eyı tł'axǫǫ̀ yak'e gots'ǫ hòtł'ò dıı hats'edıì hǫt'e: “Hòt'a Nǫ̀htsı̨ edaxàgoı̨la. Ededı̨ sìı K'àowocho elı̨ eyıts'ǫ edets'ǫ Chrıst xè K'àowo nàtsoo elı̨ ha. Amìı Nǫ̀htsı̨ wenadąą̀ t'aats'ǫǫ̀ gòet'ı̨ k'e nìdahoeɂà elı̨ı̨ sìı hòt'a hodàweèdo hǫt'e.