Luke 24:50 - Nǫ̀htsı̨ Nı̨htł'è

⁵⁰ Eyı tł'axǫǫ̀ Zezì edecheekeè xè kǫ̀ta Jerusalem ts'ǫǫ̀ nageèhde, kǫ̀ta Bethany ts'ǫ̀ gǫǫwà-lea nègı̨ı̨de. Ekǫ edılà ı̨dòo ayį̀į̀là gà gok'eèyaı̨htı.

Luke 24:50 ပူးပေါင်းရင်းမြစ်များ

Dànì Kèhoį̀wo 27:4

Bò łekǫǫ whet'ee segha nezı̨ı̨ sìı k'ę̀ę̀ xàı̨ht'è gà weghǫ shèhtı̨ ha sets'ǫ̀ı̨hge. Hanì-ı̨dè ełaehwhı kwe yatı nǫǫde wet'à nexè sìghà hòɂǫ ha sìı t'à nek'eèyahtı ha,” yèhdı.

Dànì Kèhoį̀wo 48:9

Joseph yets'ǫ̀ hadı, “Nǫ̀htsı̨ jǫ Egypt nèk'e chekoa nàke seghàı̨laa sìı eyı agı̨ı̨t'e,” yèhdı. Eyıt'à Israel hadı, “Sets'ǫ̀ agııdeè agı̨ı̨le, gık'eèyahtı ha t'à,” yèhdı.

Dànì Kèhoį̀wo 49:28

Eyı hazǫǫ̀ Israel got'ı̨į̀ gha hoònǫ-daats'ǫ̀-nàke dǫ xàɂaa agı̨ı̨t'e. Hanì t'aa Jacob nǫǫde yatı edeza goghàı̨la. Hazǫǫ̀ gıtaàt'eè ehkw'ı gots'ǫ̀ xàyaı̨htı.

Matthew 21:17

Eyı hagòjà tł'axǫǫ̀ gots'ǫǫ̀ naèhtła, kǫ̀ta Bethany ts'ǫ̀ ajà. Eyı toò ekǫ ı̨tè.

Mark 10:16

Eyı tł'axǫǫ̀ Zezì edegǫ̀ǫ̀ chekoa gomǫǫ̀ ayį̀į̀là, eyıts'ǫ edılà gok'e ayį̀į̀là gà gok'eèyaı̨htı.

Mark 11:1

Zezì edecheekeè xè kǫ̀ta Bethphaga eyıts'ǫ Bethany ts'ǫ̀ gǫǫwà-lea nììtła. Eyı kǫ̀ta nàke sìı shìh Olıvet weghǫhk'eè gòla, eyıts'ǫ Jerusalem ts'ǫ̀ gǫǫwà-le agǫ̀ht'e. Ekǫ ts'ǫ Zezì edecheekeè nàke edenakweè goèhɂà,

Luke 24:51

Įłaà gok'eèyahtı et'ıì gots'ǫǫ̀ ı̨dòo yak'e ts'ǫ̀ nıwıìtı̨.

Zezì Wecheekeèdeè 1:12

Shìh Olıvet gòyeh gots'ǫǫ̀ nageèhde, kǫ̀ta Jerusalem ts'ǫ̀ anagejà. Eyı kǫ̀ta ts'ǫ̀ ı̨łè echı̨ k'aɂį̀ hǫt'e.

Zezì Wecheekeèdeè 1:9

Hadı tł'axǫǫ̀ wecheekeè gıdaà ı̨dòo ts'ǫ̀ nıwıìtı̨. K'oh ɂı̨į̀ ajà ts'ǫ̀ gıghàeda.

1 Tımothy 2:8

Hazǫǫ̀ ts'ǫ̀ dǫ edılà degaı ı̨dòo agı̨ı̨hwhǫ xè yagehtı ha geehwhǫ. Ełets'ǫ̀ gìch'ee eyıts'ǫ ełets'ǫ̀ nàyagehtıı sìı wedę agııle.