Luke 24:44 - Nǫ̀htsı̨ Nı̨htł'è

⁴⁴ Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

Luke 24:44 ပူးပေါင်းရင်းမြစ်များ

Dànì Kèhoį̀wo 14:18

Eyı tł'axǫǫ̀ kǫ̀ta Salem gots'ǫ k'àowocho Melkızedek wìyeh, łèt'è eyıts'ǫ jìetì Abram ts'ǫ̀ yeèwa. Ededı̨ sìı Nǫ̀htsı̨ Enıìyah Deè wets'ǫ yahtıı elı̨ ı̨lè.

Dànì Kèhoį̀wo 22:18

Sek'èanet'e k'èxa nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫ ha,” yak'eet'ı̨į̀ yèhdı.

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Matthew 1:22

Eyı hazǫǫ̀ hanàhòwoo sìı gots'ǫ̀ K'àowo nakwenàoɂǫǫ t'à goı̨de ı̨lèe sìı k'ę̀ę̀ agode ha t'à hagòjà hǫt'e. Dıı hadı ı̨lè:

Matthew 16:21

Eyı dzęę̀ k'e gots'ǫ Zezì dıı hanì edecheekeè ts'ǫ̀ goı̨de: “Jerusalem ts'ǫ̀ ahde ha hǫt'e, ekǫ ǫhdah gı̨ı̨lı̨ı̨, yahtıı-gha-k'aodèe, eyıts'ǫ Nǫ̀htsı̨-yatıì-k'ègedìı-dǫǫ̀ dasegį̀ı̨hɂa ha. Ełaàsegèhwhı ha hǫt'e, hanìkò taı dzęę̀ k'ehǫǫwo tł'axǫǫ̀ nı̨dè naèhdà ha,” gòhdı.

Matthew 26:54

Eyı weehkè nı̨dè, Nǫ̀htsı̨ Nı̨htł'è k'e ayìı dek'eèhtł'èe sìı wek'ę̀ę̀ agode ha nıìle,” Zezì yèhdı.

Matthew 26:56

Hanìkò nakwenàoɂǫǫ gını̨htł'è k'ę̀ę̀ agode ha t'à dıı hagode ha t'ıį̀t'e,” gòhdı. Eyı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde, eyıts'ǫ nakwı̨geède.

Luke 21:22

Ekìıyeè k'e nı̨dè Jerusalem hoìla weghàhòt'à ha. Nakwenàoɂǫǫ hazǫǫ̀ ayìı dek'enègı̨ı̨tł'èe sìı wek'ę̀ę̀ agode ha hǫt'e.

Luke 22:37

Dıı hanì dek'eèhtł'è hǫt'e, ‘Dǫjıı xè nagı̨ı̨htà.’ Hanì seghǫ dek'eèhtł'èe sìı wek'ę̀ę̀ ahde ha hǫt'e. Hęɂę, dànì seghǫ dek'eèhtł'èe sìı wek'ę̀ę̀ agodaade,” Zezì gòhdı.

Luke 24:46

“Dıı hanì dek'eèhtł'è hǫt'e,” gòhdı, “Chrıst wèts'edıı sìı daı̨ɂa ha eyıts'ǫ taı dzęę̀ k'ehoı̨wo nı̨dè naìdà ha hǫt'e.

Luke 9:22

Eyıts'ǫ (edeghǫ) gots'ǫ̀ hadı, “Dǫ-wet'àaɂàa-deè sìı hòtł'ò daı̨ɂa ha. Ǫhdah gı̨ı̨lı̨ı̨, yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ gıgha wedę ha hǫt'e. Ełaàgıìhwhı ha eyıts'ǫ taı dzęę̀ t'à naìdà ha hǫt'e,” gòhdı.

Luke 9:44

“Dànaxèehsı̨ ha sìı hotıì nezı̨į̀ aàhkw'o: Dǫ-wet'àaɂàa-deè dǫ tł'aàgıhtè ha hǫt'e,” gòhdı.

John 3:14

T'akwe whaà Moses, ekìı-ka nèk'e dechı̨ k'e gòo ı̨dòo ts'ǫ̀ ayį̀į̀là ı̨lè. Eyı xèht'eè Dǫ-wet'àaɂàa-deè dechı̨ k'e ı̨dòo awedle ha hǫt'e.

John 5:39

Nǫ̀htsı̨ Nı̨htł'è wet'à welǫ whìle ts'ǫ̀ ts'eeda ha dahwhǫ t'à, hotıì weghàdeahtǫ. Eyı Nǫ̀htsı̨ Nı̨htł'è sìı seghǫ godeè adı hǫt'e,

John 5:46

Moses seghǫ ı̨ı̨tł'è hǫt'e, naxıgha ehkw'ı adı nı̨dè sı̨ sı naxıgha ehkw'ı aehsı̨ ha ı̨lè.

Zezì Wecheekeèdeè 13:33

Goxı̨, gıza ats'ı̨ı̨t'ee sìı, Zezì naìdà ayį̀į̀là t'à, gogha edeyatıì k'ę̀ę̀ eghàlaı̨dà hǫt'e. Nǫ̀htsı̨ ts'ǫ̀ ts'ejı̨ı̨ enı̨htł'è k'e dıı hanì dek'eèhtł'è: ‘Nı̨ sìı Seza anet'e; hòt'a dıı dzęę̀ k'e Netà whıhłı̨,’ dek'eèhtł'è.

Zezì Wecheekeèdeè 13:40

Nakwenàoɂǫǫ dàgı̨ı̨dìı sìı hotıì naxıxè hagoıde sǫ̀ǫ̀. Dıı hagedı ı̨lè,

Zezì Wecheekeèdeè 3:18

Hanìkò Nǫ̀htsı̨ sìı nakwenàoɂǫǫ hazǫǫ̀ t'à nadąą̀ gots'ǫ̀ goı̨de ı̨lè. Chrıst daı̨ɂa ha, hadı ı̨lè, hanì yek'ę̀ę̀ eghàlaı̨dà.

Zezì Wecheekeèdeè 7:37

“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.

Hebrew 10:1

Moses wenàowoò sìı ı̨daà t'asìı wedeèdlı̨ı̨ nèhòkw'ı gha ekìı weɂı̨zhı̨į̀ lanì hǫt'e, eyı nàowo sìı xàè wedeèdlı̨ı̨ k'aɂį̀ hǫt'e. Hanì ts'ıhɂǫ̀ xo taàt'eè tıts'aàdìı Nǫ̀htsı̨ gha ełaàgıhdee sìı wet'à dǫ Nǫ̀htsı̨ ts'ǫ̀ agede gha deghàà degaı agedle ha nıìle.

Hebrew 3:5

Moses, Nǫ̀htsı̨ wekǫ̀ gha eghàlaeda ekò yek'èı̨t'e ı̨lè. Įdaà nı̨dè Nǫ̀htsı̨ dàdı ha sìı ghǫ dǫ ts'ǫ̀ goı̨de.

Hebrew 7:1

Eyı dǫ Melkızedek sìı kǫ̀godeè Salem gogha k'àowocho elı̨ ı̨lè, Nǫ̀htsı̨ wenahk'e gǫ̀hłı̨-le sìı gha yahtıı elı̨ ı̨lè. Abraham, k'àowocho eyıì-le gots'ǫ̀ ełegegǫ t'à goghǫèhnǫ gots'ǫ ek'èt'à naèhtła ekò, Melkızedek yeghaetła t'à yek'eèyaı̨htı ı̨lè.

Hebrew 9:8

Hanıı nàowo wet'à Yedàyeh Nezı̨ı̨ dıı wek'èts'eezǫǫ̀ agǫ̀ǫ̀là: Nǫ̀htsı̨ gha nı̨hbàa ı̨łaà nàı̨hɂa et'ıì Denahk'e Degaı K'è gòɂǫǫ sìı gots'ǫ̀ eneètǫ hǫt'e.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.