Luke 24:39 - Nǫ̀htsı̨ Nı̨htł'è

³⁹ Sılà eyıts'ǫ sekè ghàahda. Xàè sı̨ aht'ı̨! Daseahchı, dǫts'ı̨į̀ wekwǫ̀ eyıts'ǫ wekw'ǫǫ̀ gǫ̀hłı̨ nıìle, hanìkò sı̨ sekwǫ̀ eyıts'ǫ sekw'ǫǫ̀ gǫ̀hłı̨ hǫt'e,” gòhdı.

Luke 24:39 ပူးပေါင်းရင်းမြစ်များ

Luke 23:46

Zezì hòtł'ò whezeh hadı, “Setà, sedą̀ązhį̀ı̨ netł'aà wheɂǫǫ̀ ahłà,” hadı tł'axǫǫ̀ nǫǫde xàèhjı.

Luke 24:38

Zezì gots'ǫ̀ hadı, “Ayìıha dahjı̨? Eyıts'ǫ dànìghǫ naxınì nàtso-le dìì?

Luke 24:40

Edılà eyıts'ǫ edekè ghàgı̨ı̨dà agǫ̀ǫ̀là.

John 20:20

Hadı tł'axǫǫ̀, edılà eyıts'ǫ edechǫǫ̀ ghàgı̨ı̨dà agǫ̀ǫ̀là. Wecheekeè gıts'ǫ K'àowo at'ı̨ nàgeèhzhį̀ ekò gınà t'à gınà.

John 20:25

Eyıt'à Zezì wecheekeè hagıìhdı, “Gots'ǫ̀ K'àowo wets'aɂı̨,” gedı. Hanìkò Thomas gots'ǫ̀ hadı, “Wılà gotsè k'è gòɂǫǫ selakw'ǫǫ̀ t'à daehchì lenǫsıı eyıts'ǫ sılà t'à wechǫǫ̀ k'e wekaà daehchì lenǫsıı segha ehkw'ı-ahodı ha nıìle,” gòhdı.

John 20:27

Thomas ts'ǫ̀ hadı, “Sılà ghàı̨da, nelakw'ǫǫ̀ jǫ nìı̨chı. Nılà t'à sechǫǫ̀ daı̨chı. Nınì nàtso xè negha ehkw'ı-ahodı welè,” Zezì yèhdı.

Zezì Wecheekeèdeè 1:3

Daı̨ɂà eyıts'ǫ ełaı̨wo tł'axǫǫ̀ wecheekeè gıts'ǫ̀ wègoèht'į̀, eyıts'ǫ godaà enıìyah łǫ hòèhtsı̨ı̨ eyı weghàà eda hǫt'e gık'èezǫǫ̀ agǫ̀ǫ̀là. Dı̨ènǫ dzęę̀ laàtłǫ ts'ǫ̀ wecheekeè gıaɂı̨ eyıts'ǫ Nǫ̀htsı̨ Wenàowoò k'ę̀ę̀ hòɂǫǫ ghǫ gots'ǫ̀ goı̨de.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

Hebrew 12:9

Goxı̨ hazǫǫ̀ gotà ehkw'ı ts'eeda gha hoghàgogeèhtǫ ı̨lè t'à dǫ gıts'ı̨ı̨hwhǫ ı̨lè. Eyıt'à Nǫ̀htsı̨ gots'ǫ ı̨nì gha Gotà elı̨ı̨ sìı hoghàgoetǫ nı̨dè denahk'e wek'èats'ı̨ı̨t'e ha hǫt'e. Hanì-ı̨dè welǫ whìle ts'ǫ̀ ts'eeda ha.

1 John 1:1

Ededı̨ kèhǫǫ̀wo gots'ǫ wehòhɂǫǫ sìı wets'eèhkw'ǫ ı̨lè, xàè godaà t'à wets'aɂı̨ xè weghàts'ı̨ı̨dà ı̨lè eyıts'ǫ goılà t'à dawets'aachì ı̨lè. Eyı Yatı wet'à ts'eedaa elı̨ı̨ sìı weghǫ gots'edeè ats'edı.