Luke 24:32 - Nǫ̀htsı̨ Nı̨htł'è

³² Eyı dǫ nàke ełets'ǫ̀ hagedı, “Tı̨lı k'e gots'ǫ̀ gode ekò, eyıts'ǫ Nǫ̀htsı̨ Nı̨htł'è gots'ǫ t'asìı nıts'eedì agǫ̀ǫ̀là ekò godzeè dèk'ǫ̀ǫ lanì edexèts'eedì ı̨lè,” ełègeedı.

Luke 24:32 ပူးပေါင်းရင်းမြစ်များ

Mark 4:34

Zezì t'aats'ǫǫ̀ godı zǫ t'à dǫ xè godo; godı dę gots'ǫ̀ goı̨dee whìle. Hanìkò edecheekeè goxè whatsǫǫ̀ wheda ekò godı hazǫǫ̀ dàhodıì-ahodıı sìı gots'ǫ̀ yek'ayawhehtı.

Luke 24:45

Nǫ̀htsı̨ Nı̨htł'è nıgeedì agǫ̀ǫ̀là.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

Zezì Wecheekeèdeè 28:23

Eyıt'à ı̨łè dzęę̀ k'e Paul xè ełegeèhdì ha gedı. Eyı dzęę̀ k'e dǫ łǫ Paul wekǫ̀ nègı̨ı̨de. K'omǫǫ̀dǫǫ̀ ts'ǫ, xèhts'ǫ̀ gots'ǫ̀ Paul gots'ǫ̀ goı̨de. Nǫ̀htsı̨ wenàowoò ghǫ hoghàgoehtǫ xè deghàà godaedı. Moses wenı̨htł'è eyıts'ǫ nakwenàoɂǫǫ gını̨htł'è k'e Zezì ghǫ dek'eèhtł'èe sìı gıgha ehkw'ı-ahodı agole ha goèhdzà.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.