Luke 23:5 - Nǫ̀htsı̨ Nı̨htł'è

⁵ Hanìkò k'èdaà hagedı, “Judea nèk'e hazǫǫ̀ ts'ǫ̀ edeyatıì t'à dǫ nàdahogehdè agǫ̀ǫ̀là. Galılee nèk'e kèhoį̀hwho gots'ǫ, jǫ gots'ǫ̀ nìhoı̨hwho,” gedı.

Luke 23:5 ပူးပေါင်းရင်းမြစ်များ

Matthew 11:1

Zezì edecheekeè hoònǫ-daà-nàke hanì hoghàgoèhtǫ tł'axǫǫ̀ Galılee nèk'e kǫ̀ta yàgòlaa ts'ǫ̀ ajà, ekǫ dǫ hoghàgoehtǫ xè godı nezı̨ı̨ t'à dǫ ts'ǫ̀ gode.

Matthew 2:1

Zezì kǫ̀ta Bethlehem wegǫ̀hłı̨ ekò Herod Judea nèk'e k'àowocho elı̨ ı̨lè. Zezì wegǫ̀hłı̨ tł'axǫǫ̀ nıwàa nèk'e gots'ǫ k'àowo Jerusalem nègı̨ı̨de.

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

Matthew 4:23

Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Mark 1:14

John-Baptıst wedaàtǫ tł'axǫǫ̀ Zezì Galılee nèk'e ts'ǫ̀ anajà, ekǫ Nǫ̀htsı̨ wegodıì nezı̨ı̨ t'à dǫ ts'ǫ̀ gode.

Luke 11:53

Zezì gots'ǫǫ̀ naèhtła ekò Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ sıì Zezì k'èch'a xàyagı̨ı̨htı.

Luke 23:23

Hanìkò Zezì dechı̨et'aa k'e wedıìtsò ha gı̨ı̨wǫ t'à, dǫ denahk'e hòtł'ò yagìzeh. Hòtł'ò gezeh t'à Pılate ghǫ dageèhnǫ t'à gok'èhoı̨ɂǫ.

Luke 23:6

Pılate eyı hagedı ıìkw'o ekò hadı, “Dıı dǫ Galılee got'ı̨į̀ nì-ı̨t'e?” gòhdıì dagoehke.

John 1:43

Ek'èdaedzęę̀ k'e Zezì Galılee nèk'e ts'ǫ̀ ajà. Ekǫ Phılıp wheda yaɂı̨, yets'ǫ̀ hadı, “Sek'èı̨tła,” yèhdı.

John 19:15

Hanìkò dǫ yagìzeh, hagedı, “Ełaàwèahwhı! Ełaàwèahwhı! Dechı̨et'aa k'e wedeàhtsò!” gedıì nàdahogehdè. K'àowo Pılate gots'ǫ̀ hadı, “Naxıts'ǫ k'àowocho wedıìtsò ha dahwhǫ nì?” gòhdı. Hanìkò yahtıı-gha-k'aodèe hagedı, “Caesar ededı̨ zǫ gogha k'àowocho elı̨ ne,” gıìhdı.

John 2:11

Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

John 7:41

Ekò dǫ mǫ̀hdaa hagedı, “Chrıst awèts'edı là eyı at'ı̨,” gedı. Hanìkò dǫ mǫ̀hdaa hagedı, “Chrıst Galılee nèk'e gots'ǫ at'ı̨ ha dìì ne.

John 7:52

K'aodèe gıts'ǫ̀ hadı, “Nı̨ sı Galılee got'ı̨į̀ anet'e nì? Enı̨htł'è wek'eyaąhtı nı̨dè, Galılee nèk'e gots'ǫ nakwenàoɂǫǫ nììtła ha nıìle wek'èı̨zǫ ha ı̨lè,” gıìhdı.

Zezì Wecheekeèdeè 10:37

Eyıts'ǫ Judea nèk'e hazǫǫ̀ dàgòjàa sìı wek'èahsǫ sǫnaà. Galılee nèk'e t'akwełǫ̀ǫ̀ kèhǫǫ̀wo. Nazareth got'ı̨į̀ Zezì John-Baptıst yek'ètaį̀dzǫ tł'axǫǫ̀ Nǫ̀htsı̨, Yedàyeh Nezı̨ı̨ Zezì k'e ayį̀į̀là. Yedàyeh Nezı̨ı̨ nàtsoò wek'e ajà t'à enıìyah łǫ hòèhtsı̨. Kǫ̀ta yàgòlaa sìı gota k'eetło. Nǫ̀htsı̨ yexè at'ı̨ t'à, dǫ gha nezı̨į̀ eghàlaı̨da eyıts'ǫ dǫ ı̨nìłı̨ı̨ gıts'ǫ̀-èlı̨ı̨ sìı k'aàt'ıì agǫ̀ǫ̀là.

Zezì Wecheekeèdeè 23:10

Sıì ełets'ǫ̀ nàyagehtı t'à ełetawhıgedè ha welì lanì, eyıt'à eghǫǫ-dǫǫ̀-gha-k'àowo Paul t'asagele ha sǫnı nıwǫ t'à eghǫǫ-dǫǫ̀ ekǫ ts'ǫ̀ goèhɂà. Paul dǫ ch'à eghǫǫ-dǫǫ̀-kǫ̀ ts'ǫ̀ geèhchì.

Zezì Wecheekeèdeè 5:33

Peter hadıì goı̨de k'aodèe gıìkw'o ekò sıì gınì-le t'à ełaàgogìhde ha gı̨ı̨wǫ.

Zezì Wecheekeèdeè 7:54

Stephen hanì gots'ǫ̀ goı̨de t'à dǫ hazǫǫ̀ sıì gık'èch'a agòjà.

Zezì Wecheekeèdeè 7:57

Hadı gıìkw'o ekò dǫ egeèhkw'ǫ ha gı̨ı̨wǫ-le t'à ededzıìhkw'ǫǫ̀ k'egehdì gà hòtł'ò gezeh. Hazǫǫ̀ ehghàà dagıachì