Luke 23:21 - Nǫ̀htsı̨ Nı̨htł'è

²¹ Hanìkò dǫ k'èdaà gezeh xè nàdahogehdè, “Dechı̨et'aa k'e wedı̨į̀htsò! Dechı̨et'aa k'e wedı̨į̀htsò!” gedıì gezeh.

Luke 23:21 ပူးပေါင်းရင်းမြစ်များ

Mark 15:13

Dǫ hazǫǫ̀ gezeh, hagedı, “Dechı̨et'aa k'e wedeàhtsò!” gedıì yagìzeh.

Luke 23:20

K'àowo Pılate Zezì naetłaà ayele ha nıwǫ t'à k'achı̨ yegha dǫ gots'ǫ̀ goı̨de.

Luke 23:22

K'àowo Pılate k'achı̨ taı t'à gots'ǫ̀ nagoı̨de, hadı, “Ayìı gha? Dıı dǫ ayìı hoìla hòèhtsı̨ k'èxa? Yek'èxa ełaàwı ha t'asìı gòìhɂǫ-le. Eyıt'à nàweekwa gà naetłaà awehłe ha,” gòhdı.

Luke 23:23

Hanìkò Zezì dechı̨et'aa k'e wedıìtsò ha gı̨ı̨wǫ t'à, dǫ denahk'e hòtł'ò yagìzeh. Hòtł'ò gezeh t'à Pılate ghǫ dageèhnǫ t'à gok'èhoı̨ɂǫ.

John 19:15

Hanìkò dǫ yagìzeh, hagedı, “Ełaàwèahwhı! Ełaàwèahwhı! Dechı̨et'aa k'e wedeàhtsò!” gedıì nàdahogehdè. K'àowo Pılate gots'ǫ̀ hadı, “Naxıts'ǫ k'àowocho wedıìtsò ha dahwhǫ nì?” gòhdı. Hanìkò yahtıı-gha-k'aodèe hagedı, “Caesar ededı̨ zǫ gogha k'àowocho elı̨ ne,” gıìhdı.

Zezì Wecheekeèdeè 13:28

Yek'èxa ełaàwı ha whìle kò ełaàgıìhwhı ha k'àowo Pılate ts'ǫ̀ gogı̨ı̨de.