Luke 23:16 - Nǫ̀htsı̨ Nı̨htł'è

^16-17 Eyıt'à nàweekwa zǫ awehłe ha, eyı tł'axǫǫ̀-ı̨dè naetłaà awehłe ha,” gòhdı.

Luke 23:16 ပူးပေါင်းရင်းမြစ်များ

Matthew 27:26

Eyıt'à k'àowo Pılate, Barabas dǫ ts'ǫ̀ xàèhtłaà ayį̀į̀là, hanìkò Zezì nàweekwaà ayį̀į̀là eyıts'ǫ dechı̨et'aa k'e wedıìtsò ha eghǫǫ-dǫǫ̀ gotł'aàyį̀ı̨htı̨.

Mark 15:15

K'àowo Pılate dǫ hazǫǫ̀ gınì k'ę̀ę̀ ha nıwǫ t'à Barabas gots'ǫ̀ xàèhtłaà ayı̨į̀là. Zezì nàgı̨ı̨hkwaà ayı̨į̀là tł'axǫǫ̀ dechı̨et'aa k'e wedıìtsò ha eghǫǫ-dǫǫ̀ gotł'aàyį̀ı̨htı̨.

Luke 23:22

K'àowo Pılate k'achı̨ taı t'à gots'ǫ̀ nagoı̨de, hadı, “Ayìı gha? Dıı dǫ ayìı hoìla hòèhtsı̨ k'èxa? Yek'èxa ełaàwı ha t'asìı gòìhɂǫ-le. Eyıt'à nàweekwa gà naetłaà awehłe ha,” gòhdı.

Luke 6:37

“Dǫ sınìyaahtı-le, hanì-ı̨dè naxısınìyaetı ha-le. Dǫ gıdę kò dahwhǫ-le nı̨dè Nǫ̀htsı̨ naxıdę anaxele ha-le. Dǫ ghǫ nahoahłe nı̨dè Nǫ̀htsı̨ naxıghǫ nahoele ha.

Zezì Wecheekeèdeè 16:37

Hanìkò Paul kǫ̀ta k'aodèe cheekeè ts'ǫ̀ hadı, “Gosınìyagı̨ı̨htı-le et'ıì dǫ daà nàgogı̨ı̨hkwa. Roman got'ı̨į̀ k'ę̀ę̀ goıtà kò dǫ-danìı̨laa-kǫ̀ ts'ǫ̀ agogį̀į̀là. Ekìı hanì dǫ naàhtǫ nagogeehɂà ha gı̨ı̨wǫ nì? Į̀le, ededı̨ gots'ǫ̀ gııdè gà xàgogııwa,” gòhdı.