Luke 23:14 - Nǫ̀htsı̨ Nı̨htł'è

¹⁴ Gots'ǫ̀ hadı, “Dıı dǫ sets'ǫ̀ aahłàa sìı wet'à dǫ hazǫǫ̀ nàdahogehdè dahdı. Naxıdaà dawııhke hanìkò ekǫ-le eghàlaı̨dà-le t'à ayìı wek'e nìdahoehɂà ha sìı wek'èehsǫ-le.

Luke 23:14 ပူးပေါင်းရင်းမြစ်များ

Matthew 27:19

K'àowo Pılate dǫ-sınìyaehtıı daèhchı̨į̀ k'e wheda ekò wets'èkeè yets'ǫ̀ yatı nìı̨ɂǫ, hayèhdı: “Eyı dǫ t'asawı̨ı̨le-le, ekǫ-le wı̨ı̨zìı hòèhtsı̨ nıìle. Dıı dzęę̀ weghǫ nàwhıhtı̨ t'à sıì daıhɂà,” yèhdı.

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

Matthew 27:4

Hagòhdı, “Dǫ ekǫ-le eghàlaı̨da-le kò sǫǫ̀mba k'èxa naxıtł'àwııhtı̨ t'à hołı̨ı̨ hòwhıhtsı̨,” gòhdı. “Nı̨ nets'ǫ̀ hoèlı̨ ne,” gıìhdı.

Matthew 27:54

Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.

Zezì Wecheekeèdeè 13:28

Yek'èxa ełaàwı ha whìle kò ełaàgıìhwhı ha k'àowo Pılate ts'ǫ̀ gogı̨ı̨de.

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.