Luke 22:70 - Nǫ̀htsı̨ Nı̨htł'è

⁷⁰ Eyı tł'axǫǫ̀ hazǫǫ̀ dageehke, “Nǫ̀htsı̨ Weza anet'e nì?” gıìhdı. Zezì gots'ǫ̀ hadı, “Seghǫ dàahdıı sìı ehkw'ı aahdı,” gòhdı.

Luke 22:70 ပူးပေါင်းရင်းမြစ်များ

Matthew 26:25

Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.

Matthew 26:64

Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.

Matthew 27:11

Ekìıyeè k'e Zezì k'àowo Pılate nadąą̀ nàwo. K'àowo Pılate dayeehke, hayèhdı, “Israel got'ı̨į̀ gha k'àowocho anet'e nì?” Zezì yets'ǫ̀ hadı, “Hęɂę, dàı̨dıı sìı k'ę̀ę̀ hǫt'e,” yèhdı.

Matthew 27:43

Nǫ̀htsı̨ ts'ǫ̀ wınì nàtso ne. ‘Nǫ̀htsı̨ Weza aht'e,’ edeghǫ hadı ı̨lè. Hot'eè Nǫ̀htsı̨ edaxàyıhtè,” gedı.

Matthew 27:54

Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.

Matthew 3:17

Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.

Matthew 4:3

Wehłı̨ı̨ Zezì gà nììtła, hadı, “Nǫ̀htsı̨ Weza anet'e nı̨dè, jǫ kwe whelaa sìı neyatıì t'à łèt'è gìhłè anele,” yèhdı.

Mark 14:62

Zezì yets'ǫ̀ hadı, “Eyı aht'e. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı gà nàgòts'ehnèe wheda weahɂį̀ ha. Įdòo yak'e gots'ǫ k'oh xè nììtła ha,” yèhdı.

Mark 15:2

K'àowo Pılate dayeehke, hayèhdı, “Israel got'ı̨į̀ gha k'àowocho anet'e nì?” Zezì yets'ǫ̀ hadı, “Hęɂę, dàı̨dıı sìı k'ę̀ę̀ hǫt'e,” yèhdı.

Luke 22:71

Eyıt'à hagedı, “Hòt'a k'achı̨ dǫ gık'e nìdahogeeɂà-le kò. Goxı̨ xàè weyatıì ts'ıìkw'o ne,” gedı.

Luke 23:3

Eyıt'à k'àowo Pılate, Zezì daehke, hayèhdı, “Israel got'ı̨į̀ gıgha k'àowocho anet'e nì?” yèhdı. “Hęɂę, dàı̨dıı sìı k'ę̀ę̀ hǫt'e,” Zezì yèhdı.

Luke 4:41

Eyıts'ǫ ı̨nìłı̨ı̨ dǫ łǫ yìı gots'ǫ xàı̨de, hagedıì gezeh, “Nı̨ sìı Nǫ̀htsı̨ Weza anet'e.” Hanìkò Zezì nàgoehɂǫ. Zezì, Chrıst hǫt'e ı̨nìłı̨ı̨ gık'èezǫ t'à Zezì gogedeè agohɂı̨-le.

John 1:34

Eyı dǫ wets'ǫ̀ dàgòjàa sìı sedaà agòjà t'à, Nǫ̀htsı̨ Weza hǫt'e wek'èehsǫ,” John-Baptıst gòhdı.

John 1:49

Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 10:36

Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

John 19:7

Hanìkò Israel got'ı̨į̀ k'èdaà hagedı, “ ‘Nǫ̀htsı̨ weza aht'e,’ edèhdı t'à, gonàowoò k'èch'a xàyaı̨htı, eyıt'à ełaàwı ha hǫt'e,” gedı.