Luke 22:37 - Nǫ̀htsı̨ Nı̨htł'è

³⁷ Dıı hanì dek'eèhtł'è hǫt'e, ‘Dǫjıı xè nagı̨ı̨htà.’ Hanì seghǫ dek'eèhtł'èe sìı wek'ę̀ę̀ ahde ha hǫt'e. Hęɂę, dànì seghǫ dek'eèhtł'èe sìı wek'ę̀ę̀ agodaade,” Zezì gòhdı.

Luke 22:37 ပူးပေါင်းရင်းမြစ်များ

Mark 15:27

Dǫjıı nàke weghǫhk'eè dexegı̨į̀htsò.

Luke 18:31

Zezì edecheekeè whatsǫǫ̀ gots'ǫ̀ hadı, “Kǫ̀ta Jerusalem ts'ǫ̀ ts'eedè ha. Nakwenàoɂǫǫ t'asìı hazǫǫ̀ Dǫ-wet'àaɂàa-deè ghǫ egı̨ı̨tł'èe sìı hazǫǫ̀ wek'ę̀ę̀ agode ha.

Luke 22:22

Dǫ-wet'àaɂàa-deè dànì wegha hòɂǫǫ sìı k'ę̀ę̀ ade ha t'ıį̀t'e, hanìkò amìı k'aodèe gotł'aàyehtè ha sìı wegha hoìla nechà ha hǫt'e,” gòhdı.

Luke 22:36

Zezì gots'ǫ̀ hadı, “Ekò dıì sǫǫ̀mbawò naxıts'ǫ nı̨dè k'eahtı̨ eyıts'ǫ tehmì sı edexè k'eahłe, eyıts'ǫ behcho naxıts'ǫ-le nı̨dè naxıɂeè naxıghǫ nàedì gà behcho ı̨łè nàahdì.

Luke 22:52

Eyı tł'axǫǫ̀ Zezì, yahtıı-gha-k'aodèe, Nǫ̀htsı̨kǫ̀-xogııhdıı-dǫǫ̀ gha k'aodèe eyıts'ǫ ǫhdah eyı nègı̨ı̨dee sìı gots'ǫ̀ hadı, “Ayìıha behcho eyıts'ǫ dechı̨ sets'ǫ̀ k'eahłe? Ełets'egǫ gha aht'ı̨ dahwhǫ nì?

Luke 23:32

Dǫjıı nàke Zezì xè ełaàgehde ha gok'èè geèwa.

Luke 24:27

Zezì hagòhdı tł'axǫǫ̀ Moses wenı̨htł'è eyıts'ǫ nakwenàoɂǫǫ gını̨htł'è k'e dànì weghǫ t'asìı hazǫǫ̀ dek'eèhtł'èe sìı gots'ǫ̀ yek'ayaı̨htı.

John 10:35

Nǫ̀htsı̨ Nı̨htł'è dàdıı sìı wek'èch'a gots'ede ha dìì hǫt'e wek'èts'eezǫ. Dǫ Nǫ̀htsı̨ yatıì gıts'ǫ̀ ajàa sìı Nǫ̀htsı̨ ededı̨ ‘nǫ̀htsı̨,’ gòhdıì goızı nı̨dè,

John 17:4

La seghàneeɂǫǫ sìı weghǫ naht'e t'à dıı nèk'e neghàsǫhoedıì anèhłà.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.