Luke 22:36 - Nǫ̀htsı̨ Nı̨htł'è

³⁶ Zezì gots'ǫ̀ hadı, “Ekò dıì sǫǫ̀mbawò naxıts'ǫ nı̨dè k'eahtı̨ eyıts'ǫ tehmì sı edexè k'eahłe, eyıts'ǫ behcho naxıts'ǫ-le nı̨dè naxıɂeè naxıghǫ nàedì gà behcho ı̨łè nàahdì.

Luke 22:36 ပူးပေါင်းရင်းမြစ်များ

Matthew 10:10

Tehmì k'eahtı̨-le, ɂeh ładı̨ı̨ eyıts'ǫ ke ładı̨ı̨ k'eahłe-le, tèh sı k'eahtı̨-le; dǫ eghàlaedaa sìı wets'àɂeedì hǫt'e.

Luke 22:35

Eyı tł'axǫǫ̀ Zezì edecheekeè dagoehke, “Dǫ ts'ǫ̀ goahde ha gıts'ǫ̀ naxeehɂà ekò sǫǫ̀mba, tehmì eyıts'ǫ ke k'eahłe-le naxèehsı̨ ekò asį̀į̀ naxıgha t'asìı whìle nǫǫ̀?” “Dàòdì, gogha t'asìı whìle-le,” gıìhdı.

Luke 22:37

Dıı hanì dek'eèhtł'è hǫt'e, ‘Dǫjıı xè nagı̨ı̨htà.’ Hanì seghǫ dek'eèhtł'èe sìı wek'ę̀ę̀ ahde ha hǫt'e. Hęɂę, dànì seghǫ dek'eèhtł'èe sìı wek'ę̀ę̀ agodaade,” Zezì gòhdı.

Luke 22:38

Wecheekeè hagıìhdı, “K'àowo, jǫ behcho nàke whela.” “Hòt'a!” Zezì gòhdı.

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

1 Thessalonıca 3:4

Naxıxè ts'eèhkw'e ekò dànì dǫ dagogį̀ı̨hɂa ha eyı ghǫ t'aats'ǫǫ̀ naxıts'ǫ̀ gots'ı̨ı̨de ı̨lè. Hotıì hanì goxè hòɂǫǫ̀ agòjà wek'èahsǫ hǫt'e.

1 Peter 4:1

Zezì-Krı dıı nèk'e ı̨ı̨dà ekò edezhį̀į̀ t'à daı̨ɂà hǫt'e, Zezì-Krı lanì naxı̨ sı naxızhį̀į̀ t'à daahɂa ha naxınì nàtsoò aahłe. Amìı edezhį̀į̀ t'à daı̨ɂaa sìı hołı̨ı̨ nàowoò k'ę̀ę̀ eda-le at'į̀ hǫt'e.