Luke 22:19 - Nǫ̀htsı̨ Nı̨htł'è

¹⁹ Zezì łèt'è nıìchı gà yek'eèyaı̨htı, tàyı̨ı̨zhì gà edecheekeè goghàyı̨ı̨dì, hadı, “Dıı łèt'è sezhį̀į̀ hǫt'e naxıgha adlà. Dıı haaht'ı̨ t'à senaahdì nǫǫ̀,” gòhdı.

Luke 22:19 ပူးပေါင်းရင်းမြစ်များ

Matthew 14:19

Dǫ hazǫǫ̀ tł'oh k'e geèhkw'eè agǫ̀ǫ̀là. Eyı tł'axǫǫ̀ łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è nechà-lea tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ gotaàgeèdì.

Matthew 15:36

Eyı tł'axǫǫ̀ Zezì łèt'è łǫ̀hdı̨ eyıts'ǫ łıwe neyı̨į̀wa gà yek'eèyaı̨htı. Łèt'è eyıts'ǫ łıwe tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ hazǫǫ̀ gotaàgı̨ı̨dì.

Luke 22:17

Lıbò nıį̀hge gà yek'eèyaı̨htı hadı, “Dıı lıbò weyìı wetł'ıı sìı ełeghàahdı.

Luke 22:20

Eyı xèht'eè, shègıazhe tł'axǫǫ̀ lıbò neyı̨į̀hgè gà hadı, “Dıı sedoò naxıgha xàı̨tł'ıı sìı wet'à nakenahòdlı̨ı̨ wegòò naxıgha hòèlı̨ hǫt'e.

Luke 24:30

Shègezhe ha nègı̨ı̨de ekò, łèt'è nıìchì gà yek'eèyaı̨htı, tàyı̨ı̨zhì gà goghàyı̨ı̨dì.

John 6:23

Eyıt'à kǫ̀ta Tıberıas gots'ǫ dǫ mǫ̀hdaa elà t'à geèɂe. Edı̨į̀ Zezì łèt'è k'eèyaı̨htı eyıts'ǫ edı̨į̀ dǫ shègıazhe ı̨lèe sìı ekǫ dàgı̨ı̨de.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

1 Corınth 10:16

Lıbò wek'eèyats'ehtı xè weghǫ Nǫ̀htsı̨ masì wets'ı̨ı̨hwhǫ nı̨dè Zezì wedoò gogha xàı̨tł'ıı sìı wexè ats'et'ı̨ gha goıtà hǫt'e. Eyıts'ǫ łèt'è tàts'eezhìı xè weghǫ shèts'ezhe nı̨dè Zezì-Krı goghàdį̀htı̨ı̨ sìı wexè ats'et'ı̨ hǫt'e.

1 Corınth 10:4

eyıts'ǫ hazǫǫ̀ Nǫ̀htsı̨ tı goghànııdìı sìı gıadǫ. Nǫ̀htsı̨ wets'ǫ kwe gıxè at'ı̨ı̨ sìı gots'ǫ tı gıadǫ lanì. Eyı kwe sìı Zezì-Krı hǫt'e.

Galatıa 1:4

Zezì-Krı dıı nèk'e hołı̨ı̨ nàowoò ch'à edaxàgole ha nıwǫ t'à, Nǫ̀htsı̨-Gotà wınì k'ę̀ę̀ gohołı̨į̀ k'èxa ełaı̨wo adììdlà hǫt'e.

Galatıa 4:25

Ts'èko Hagar sìı Arabıa nèk'e Shìh Sınaı lanì hǫt'e, eyıts'ǫ weza hazǫǫ̀ xè k'àowo tł'a geèhkw'e t'à dıı nèk'e kǫ̀godeè Jerusalem xèht'eè lanì.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

1 Thessalonıca 5:18

Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.