Luke 21:36 - Nǫ̀htsı̨ Nı̨htł'è

³⁶ Eyıt'à t'aats'ǫǫ̀ kexoahdı, hoìla hawee sìı naxıxè agode ha-le gha yaahtı. Eyıts'ǫ Dǫ-wet'àaɂàa-deè wenadąą̀ nàahza nı̨dè edeghǫ į̀į̀zhaahłı̨ ha-le gha yaahtı,” Zezì gòhdı.

Luke 21:36 ပူးပေါင်းရင်းမြစ်များ

Matthew 24:42

“Eyıt'à kexoahdı! Ayìı dzęę̀ k'e naxıts'ǫ̀ K'àowo jǫ nììtła ha sìı wek'èahsǫ nıìle.

Matthew 24:43

Eyıt'à dıı wedaànıahdè: Edahxǫ dǫ wekǫ̀ enìxàgı̨ı̨zhì ts'ııdì. Dǫ wekǫ̀ gòɂǫǫ sìı ayìı sadzeè k'e eeɂį̀ı̨-dǫǫ̀ yekǫ̀ enìxàezhì ha yek'èezǫ nı̨dè, wekǫ̀ enìxàgeezhì ch'à kexoehdı ha ı̨lè.

Matthew 24:44

Naxı̨ sı, Dǫ-wet'àaɂàa-deè ayìı sadzeè k'e wexaahłı-le sìı k'e nììtła ha ne t'à, wegha ts'atà dahkw'e ha hǫt'e.

Matthew 25:13

“Eyıt'à edexoahdı! Ayìı dzęę̀ k'e eyıts'ǫ ayìı sadzeè k'e hagode ha sìı wek'èahsǫ nıìle,” Zezì hadıì goxè godo.

Matthew 26:41

Hołı̨ı̨ naxıdaèht'è ch'à edexoahdı xè yaahtı, hanì-ı̨dè hołı̨ı̨ naxıdaèht'è ha-le. Naxıts'ǫ ı̨nì ehkw'ı anıwǫ hanìkò wek'ę̀ę̀ aahda ha wèhoedı-le,” gòhdı.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Mark 13:33

Eyıt'à edexoahdı xè sınìahkw'e! Ayìı dzęę̀ k'e hagode ha sìı wek'èahsǫ nıìle.

Mark 13:37

Naxıts'ǫ̀ dàehsı̨ı̨ sìı dǫ hazǫǫ̀ sı ts'ǫ̀ haehsı̨ hǫt'e, ‘Kexoahdı!’ ” gòhdıì goxè godo.

Luke 1:19

Yak'eet'ı̨į̀ yets'ǫ̀ hadı, “Sı̨, Gabrıel aht'e, Nǫ̀htsı̨ wenadąą̀ nàhwho hǫt'e. Godı nezı̨ı̨ neghàehɂà ha nets'ǫ̀ sı̨ı̨hɂà,” yèhdı.

Luke 18:1

Zezì godı t'à edecheekeè hoghàgoehtǫ, hadı, “T'aats'ǫǫ̀ yaahtı ghǫ naaht'è-le.

Luke 20:35

Hanìkò ekìıyeè k'e dǫ negezı̨ t'à gıxè agode gha gııtàa sìı nagìdà agole ha. Eyı dǫ nagìdà nı̨dè honìgedè ha nıìle.

Luke 21:35

Eyı hoìla agode ha sìı dıı nèk'e hazǫǫ̀ dǫ nàdèe sìı gık'e agode ha hǫt'e.

Zezì Wecheekeèdeè 10:2

Ededı̨ eyıts'ǫ wèot'ı̨ hazǫǫ̀ Nǫ̀htsı̨ k'èagı̨ı̨t'e ghǫ hòtł'ò agı̨ı̨wǫ. T'aats'ǫǫ̀ dǫ-teèt'ı̨ı̨ ts'àdı xè Nǫ̀htsı̨ ts'ǫ̀ yahtı.

1 Corınth 16:13

Sèot'ı̨ı̨, edexoahdı; gots'ǫ̀ K'àowo weghǫ naxınì nàtso welè; t'asìı ghǫ dahjı̨-le, nàahtsoò edeahłe.

2 Corınth 4:14

Nǫ̀htsı̨ sìı Zezì-Krı naìdà ayį̀į̀là hǫt'e, goxı̨ sı Zezì xè nats'ìdà agole ha hǫt'e, eyıts'ǫ naxıxè wenadąą̀ nàts'eèhzaà agole ha wek'èts'eezǫ.

Colosse 4:2

T'aats'ǫǫ̀ yaahtı gha nìhoahɂà, kexoahdı xè masì dahwhǫ.

1 Thessalonıca 5:17

t'aats'ǫǫ̀ yaahtı.

2 Tımothy 4:5

Hanìkò nı̨ sìı t'asìı hazǫǫ̀ gha nınì ehkw'ı anehwhǫ, negha hoìla kò wexè ts'èwhı̨į̀ ı̨da. Godı nezı̨ı̨ k'eneɂa gha nekayaetı ne t'à, la neghǫ̀t'ǫǫ sìı t'aats'ǫǫ̀ wek'ę̀ę̀ hòtł'ò eghàlaı̨da.

1 Peter 4:7

T'asìı hazǫǫ̀ welǫ agode ha nìhǫǫwo. Eyıt'à naxınì ehkw'ıì aahłe eyıts'ǫ nàowołı̨ı̨ ch'à edek'èahdì, hanì-ı̨dè nezı̨į̀ yaahtı ha dìì-le.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 11:4

Eyı nakwenàoɂǫǫ nàke sìı ts'ı nàke jìecho “olıve” wek'e dehshee eyıts'ǫ ek'aèk'ǫchı̨į̀ nàke dıı nèk'e ts'ǫ̀ K'àowo nadąą̀ nawheɂa lanì nàgeèhza.

John Wenazhıı 6:17

Hòt'a hoìla agogelee dzęę̀ weghǫnìhoı̨wo hǫt'e. Dànì edaxàts'ı̨ı̨de welì?” gedıì gezeh.

John Wenazhıı 7:9

Eyı tł'axǫǫ̀ senadąą̀ dǫ łǫ t'à łǫ gìgoèht'į̀. Dǫ sıì łǫ t'à dǫ wı̨ı̨zìı goıhtà ha dìì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gots'ǫ dǫ agı̨ı̨t'e. Daèhchı̨cho eyıts'ǫ eyı Sahzǫ̀ą nadąą̀ nàgeèhza. ʔeh degoo nedèe yìı geèhkw'e eyıts'ǫ ɂorı dagıale.

John Wenazhıı 8:2

Eyı tł'axǫǫ̀ yak'eet'ı̨į̀ łǫ̀hdı̨ Nǫ̀htsı̨ nadąą̀ nàgeèhza gìgaat'ı̨. Dechı̨shì łǫ̀hdı̨ gıghǫ̀zha.