Luke 21:19 - Nǫ̀htsı̨ Nı̨htł'è

¹⁹ Naxıgha ehkw'ı-ahodı t'à naxınì nàtso nı̨dè, welǫ whìle ts'ǫ̀ aahda ha.

Luke 21:19 ပူးပေါင်းရင်းမြစ်များ

Matthew 10:22

Sı̨ sets'ıhɂǫ̀ dǫ hazǫǫ̀ naxıdzagı̨ı̨hwhǫ ha, hanìkò amìı nǫǫde dzęę̀ ts'ǫ̀ Nǫ̀htsı̨ ts'ǫ̀ wınì nàtsoò adìhwhǫǫ sìı edaxàeda ha.

Matthew 24:13

Hanìkò amìı nǫǫde ts'ǫ̀ wegha ehkw'ı-ahodıı sìı edaxàeda ha.

Luke 8:15

Ekò dǫ gıdzeè nezı̨ı̨ sìı wet'à-t'asìı-dehshee dèè nezı̨ı̨ k'e nàı̨tł'ı lagı̨ı̨t'e. Yatı gıìkw'o xè edegha yatı gìhchı eyıts'ǫ gıdeechı-le, eyıt'à t'asìı nezı̨ı̨ łǫ geehshe,” Zezì gòhdı.

Rome 15:4

Įnę̀ę whaà Nǫ̀htsı̨ Nı̨htł'è k'e t'asìı hazǫǫ̀ dek'eèhtł'èe sìı wet'à hoghàgoetǫ gha adlà hǫt'e. Ayìı dek'eèhtł'èe sìı wek'eyats'ehtı nı̨dè wet'à goınì nàtsoò ade ha hǫt'e eyıts'ǫ edaxàts'eedè ha.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Rome 5:3

Eyı zǫ weghǫ goınà nıìle, hanìkò goxè hoìla t'à dats'ı̨ı̨ɂa nı̨dè weghǫ goınà hǫt'e. Dats'ı̨ı̨ɂa nı̨dè wet'à denahk'e goınì nàtso at'į̀ wek'èts'eezǫ,

Rome 5:4

eyıts'ǫ goınì nàtso ats'ı̨ı̨hwhǫ nı̨dè ayìı gogha ehkw'ı-ahodıı sìı k'ę̀ę̀ ts'eeda ats'et'į̀, eyıts'ǫ ayìı gogha ehkw'ı-ahodı k'ę̀ę̀ ts'eeda nı̨dè Nǫ̀htsı̨ ayìı godawhehɂǫǫ sìı goghǫet'a ha wek'èts'eezǫ.

Rome 8:25

Hanìkò t'asìı wekanıts'eèɂàa sìı ı̨łaà gots'ǫ-le nı̨dè, ts'èwhı̨į̀ wek'enats'eèhɂı̨.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

2 Thessalonıca 3:5

Nǫ̀htsı̨ dànì goghǫneètǫǫ wek'ę̀ę̀ gots'ǫ̀ K'àowo naxıdzeè t'à ełeghǫnıahtǫǫ̀ anaxııle, eyıts'ǫ Zezì-Krı wegha hoìla kò dànì edınì nàtso ayį̀į̀hwhǫ k'ę̀ę̀ gots'ǫ̀ K'àowo naxınì nàtsoò ayııle.

Hebrew 10:36

Naxıxè hoìla kò ı̨łaà naxınì nàtso ha hǫt'e. Nǫ̀htsı̨ wınì k'ę̀ę̀ aahda tł'axǫǫ̀ nı̨dè naxıgha edeyatıì k'ę̀ę̀ eghàlaeda ha hǫt'e.

Hebrew 6:11

Naxı̨ hazǫǫ̀ nǫǫde dzęę̀ ts'ǫ̀ hotıì k'èdaà hanì eghàlaahda naxıts'ı̨ı̨hwhǫ, hanì-ı̨dè ayìı wekanıahɂàa sìı wek'ę̀ę̀ agode ha.

Hebrew 6:15

Eyıt'à Abraham whaà yedanaèhɂı̨ tł'axǫǫ̀, Nǫ̀htsı̨ ayìı yegha dàle ha dıı sìı weghǫ̀t'ǫ.

James 1:3

Naxıgha ehkw'ı-ahodı ts'ıhɂǫ̀ naxeèdzà nı̨dè denahk'e naxınì nàtsoò ade ha, eyıts'ǫ enats'ıt'è dahwhǫ ha-le. Eyı wek'èahsǫ hǫt'e.

James 1:4

Įłaà naxınì nàtsoò aahwhǫ nı̨dè deghàà naxıgha ehkw'ı-ahodı ha, eyıts'ǫ nezı̨į̀ eghàlaahda gha t'asìı wı̨ı̨zìı naxıgha dek'aɂį̀ ha-le.

2 Peter 1:6

eyıts'ǫ Nǫ̀htsı̨ k'èahsǫǫ sìı wexè hołı̨ı̨ ch'à edek'èahdì, eyı wexè naxınì nàtsoò aahłe, eyıts'ǫ naxınì nàtsoo sìı wexè Nǫ̀htsı̨ wınì k'ę̀ę̀ aahda,

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.

John Wenazhıı 14:12

Hanì hòɂǫ ha t'à Nǫ̀htsı̨ wets'ǫ dǫ degaı sìı ts'èwhı̨į̀ nageèhɂı̨ ha hǫt'e. Nǫ̀htsı̨ wenàowoò k'èagııt'è eyıts'ǫ Zezì ts'ǫ̀ edınì nàtsoò agııle.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.