Luke 20:47 - Nǫ̀htsı̨ Nı̨htł'è

⁴⁷ Ts'èko gıdǫzhıì ełaı̨dèe sìı gıkǫ̀ goghǫ gìhchı, eyıts'ǫ dǫ goghàgııdà gı̨ı̨wǫ t'à whaà yagehtı. Dǫ hanıı sìı hòtł'ò dagı̨ı̨ɂaà agedle ha,” Zezì gòhdı.

Luke 20:47 ပူးပေါင်းရင်းမြစ်များ

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Mark 12:40

Ts'èko gıdǫzhıì ełaı̨dèe sìı goghǫ kǫ̀ gìhchı, eyıts'ǫ dǫ goghàgııdà gı̨ı̨wǫ t'à whaà yagehtı. Hanıı dǫ sìı hòtł'ò dagı̨ı̨ɂaà agedle ha hǫt'e,” Zezì gòhdı.

Luke 12:1

Ekìıyeè k'e dǫ łǫ-lemì laàtłǫǫ ełèwhede t'à dǫ ełek'e aget'ı̨. Zezì edecheekeè ts'ǫ̀ t'akwe xàyaı̨htı, hagòhdı, “Pharısee gı̨ı̨lı̨ı̨ sìı gıxèahɂı̨ ch'à kexoahdı. Degaı edegeetsı̨ kò gık'ę̀ę̀ eda-le.

Luke 20:46

“Nǫ̀htsı̨-yatıì-k'ègedìı-dǫǫ̀ gı̨ı̨lı̨ı̨ sìı hotıì gıxoahdı. Goht'ǫ nedèe wèdaat'ı̨ı̨ t'à kǫ̀ta k'egedè xè dǫ gıts'ǫ̀ nezı̨į̀ nageɂa gıgha nezı̨. Ełègehdèe-kǫ̀ goyìı dǫ wet'àaɂàa gha daèhchı̨ whelaa k'e geèhkw'e eyıts'ǫ nàsı̨ hołè nı̨dè ı̨daà geèhkw'e ghageewı.

Luke 21:1

Zezì ı̨daà dǫ ta k'eet'į̀ ekò dǫ ahxee goghàeda, Nǫ̀htsı̨kǫ̀-gocho gha sǫǫ̀mba-tǫǫ̀ yìı edesǫǫ̀mbaà deyìı gehdè.

1 Thessalonıca 2:5

Ekìı yatı nezı̨ı̨ t'à naxıts'ǫ̀ gots'ı̨ı̨de whìle. Ets'edì-le t'à naxısǫǫ̀mbaà gha naxıghǫyats'eeɂà ha hots'ehdzà-le ı̨lè. Dànì eghàlats'ı̨ı̨dàa sìı Nǫ̀htsı̨ gok'èezǫ hǫt'e.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

James 3:1

Sèot'ı̨ı̨, dǫ-hoghàehtǫǫ-dǫǫ̀ aahłı̨ ha k'ehoahɂa-le. Dǫ-hoghàehtǫǫ ts'ı̨ı̨lı̨ nı̨dè dǫ eyıì-le gınahk'e hòtł'ò gosınìyaetı ha, wek'èahsǫ hǫt'e.