Luke 2:29 - Nǫ̀htsı̨ Nı̨htł'è

²⁹ “Sets'ǫ̀ K'àowo t'asìı hazǫǫ̀ negha dìì-le, neyatıì goghàneɂǫ ı̨lèe sìı hòt'a wek'ę̀ę̀ eghàlaneedà t'à hòt'a ts'èwhı̨į̀ ełaehwhıì ası̨ı̨le.

Luke 2:29 ပူးပေါင်းရင်းမြစ်များ

Dànì Kèhoį̀wo 15:15

Hanìkò nı̨ sìı neɂǫhdaà ełaı̨dèe sìı ts'èwhı̨į̀ gıts'ǫ̀ anede ha. Whaà ı̨da tł'axǫǫ̀ nekw'ǫǫ̀ nìtį̀ ha.

Dànì Kèhoį̀wo 46:30

Israel, edeza Joseph ts'ǫ̀ hadı, “Įłaà ı̨da, sedaà t'à neehɂı̨ t'à, hòt'a ełaehwhı ha dìì-le,” yèhdı.

Luke 2:26

Gots'ǫ̀ K'àowo wets'ǫ Chrıst eɂį̀ kwe ełaàwı ha-le, Yedàyeh Nezı̨ı̨ yets'ǫ̀ hadı ı̨lè.

Luke 2:28

Sımeyon bebìa nıìchì gà Nǫ̀htsı̨ ghàsǫedı hadı,

Phılıppı 1:23

Eyı nàke ts'ǫ̀ sets'eht'ì lanì: Zezì-Krı xè aht'e gha dıı nèè gots'ǫǫ̀ ahde ha dehwhǫ, eyı sìı hazǫǫ̀ t'à denahk'e nezı̨ hǫt'e,

John Wenazhıı 14:13

Eyı tł'axǫǫ̀ yak'e gots'ǫ dıı hats'edıì hǫt'e: “Dıı dek'enìı̨tł'è: Jǫ gots'ǫ ı̨daà amìı gots'ǫ̀ K'àowo gıgha ehkw'ı adıı xè ełaàgedee sìı gıxè sìghà hǫt'e,” hats'edıì hǫt'e. Yedàyeh Nezı̨ı̨ hadı, “Hęɂę, hòtł'ò eghàlagı̨ı̨dà k'èxa k'èhogeèɂa ha eyıts'ǫ ayìı dàgı̨ı̨laa sìı t'aats'ǫǫ̀ gıxè whela ha,” hadı.

John Wenazhıı 6:10

Hòtł'ò gezeh xè hagedı, “Gots'ǫ̀ K'àowo, t'asìı negha dìì-le, nı̨ sìı degaı xè ehkw'ı anet'e. Dàı̨waà-ı̨dè dıı nèk'e gots'ǫ dǫ gısınìyanehtı ha? Ełaàgogį̀ı̨hdè k'èxa dàht'e nı̨dè nàgı̨ı̨hkwa ha?” gedıì yagìzeh.