Luke 2:27 - Nǫ̀htsı̨ Nı̨htł'è

²⁷ Sımeyon Yedàyeh Nezı̨ı̨ k'eyeehɂı̨ t'à Nǫ̀htsı̨kǫ̀-gocho ts'ǫ̀ nììtła. Ekìıyeè k'e Zezì wetà eyıts'ǫ wemǫ Nǫ̀htsı̨kǫ̀-gocho goyageèhchì, Moses wenàowoò k'ę̀ę̀ gıghàlaeda ha t'à.

Luke 2:27 ပူးပေါင်းရင်းမြစ်များ

Matthew 4:1

Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

Luke 2:22

Moses wenàowoò k'ę̀ę̀ edexè sıìgogehɂı̨ tł'axǫǫ̀, Joseph eyıts'ǫ Mary Zezì Nǫ̀htsı̨ ghàgıhtè ha Jerusalem ts'ǫ̀ geèhchì.

Luke 2:28

Sımeyon bebìa nıìchì gà Nǫ̀htsı̨ ghàsǫedı hadı,

Luke 2:41

Xo taàt'eè Joseph eyıts'ǫ Mary gıxè dzędeè Passover nàsı̨ hołè gha Jerusalem ts'ǫ̀ geedè ı̨lè.

Luke 2:48

Wetà eyıts'ǫ wemǫ gıaɂı̨ ekò gıgha enıìyah dìì. Wemǫ yets'ǫ̀ hadı, “Seza, dànìghǫ anet'ı̨? Netà sı nekadıìwǫ t'à sıì neghǫ nànıts'edè ı̨lè,” yèhdı.

Luke 2:51

Eyı tł'axǫǫ̀ Zezì edetà eyıts'ǫ edemǫ goxè Nazareth ts'ǫ̀ naèhtła. Ekǫ goxè nàdè xè gok'èı̨t'e. Eyı hazǫǫ̀ hagòjàa sìı wemǫ ededzeè yìı yek'èdì.

Luke 4:1

Zezì Yedàyeh Nezı̨ı̨ nàtsoò wets'ǫ̀-èlı̨ xè Jordan deh nıɂàa gots'ǫ nǫ̀ǫtła. Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

Zezì Wecheekeèdeè 10:19

Peter ı̨łaà nànıwo ekò Yedàyeh Nezı̨ı̨ yets'ǫ̀ hadı, “Sımon, dǫ taı nehagı̨ı̨wǫ.

Zezì Wecheekeèdeè 11:12

Yedàyeh Nezı̨ı̨ sets'ǫ̀ hadı, ‘Gık'èı̨tła ha sìı weghǫ nànewo-le,’ sèhdı. Dıı Nǫ̀htsı̨ wecheekeè ek'ètaı sexè agejà t'à eghǫǫ-dǫǫ̀-gha-k'àowo wekǫ̀ goyats'eède.

Zezì Wecheekeèdeè 16:7

Mysıa nèk'e ts'ǫ̀ nıwà-le nègı̨ı̨de ekò Bıthynıa nèk'e agede ha hogeèhdzà hanìkò Zezì wets'ǫ Įnì Degaı ekǫ agejà-le agǫ̀ǫ̀là.

Zezì Wecheekeèdeè 8:29

Yedàyeh Nezı̨ı̨ Phılıp ts'ǫ̀ hadı, “Eyı dǫ webehchı̨į̀ ts'ǫ̀ nıwà-lea nìı̨tła,” yèhdı.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.

John Wenazhıı 1:10

Nǫ̀htsı̨ Dzęę̀ k'e Yedàyeh Nezı̨ı̨ sets'ǫ̀ ajà. Įdè sechį̀ht'a dechı̨shì t'à hòtł'ò gots'edeè lagodı,

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.