Luke 19:9 - Nǫ̀htsı̨ Nı̨htł'è

⁹ Zezì yets'ǫ̀ hadı, “Dıı dzęę̀ k'e jǫ kǫ̀ gots'ǫ dǫ edaxàwhede hǫt'e. Dıı dǫ ededı̨ sı Abraham gots'ǫ dǫ hǫt'e.

Luke 19:9 ပူးပေါင်းရင်းမြစ်များ

Luke 13:16

Ekò dıı ts'èko, Abraham gots'ǫ dǫ sìı, hoònǫ-daats'ǫ̀-ek'èdı̨ xo gots'ǫ wehłı̨ı̨ dayį̀ı̨hɂa hǫt'e. Nǫ̀htsı̨ Dzęę̀ k'e ayìı t'à eyaelı̨ı̨ sìı ch'à k'aàt'ıì awedle ha-le nì?” gòhdı.

Luke 13:30

Hęɂę, dǫ nǫǫde gı̨ı̨lı̨ı̨ sìı t'akwe geèhkw'e ha, eyıts'ǫ dǫ t'akwe gı̨ı̨lı̨ı̨ sìı nǫǫde geèhkw'e ha,” Zezì gòhdı.

Luke 16:24

Eyı dǫ Abraham ts'ǫ̀ ezeh hadı, ‘Setà Abraham, etesenèeɂı̨. Lazarus sets'ǫ̀ awı̨ı̨le, edelakw'ǫǫ̀ tı ta ayııle gà sewalıì whek'ò ayııle. Jǫ kǫ̀ nàtsoo t'à sıì daıhɂa dìì,’ yèhdı.

Luke 16:30

“Hanìkò Abraham ts'ǫ̀ hadı, ‘Į̀le setà, hanì ha dìì, hanìkò dǫ ełaı̨wo gots'ǫ naìdàa sìı gots'ǫ̀ gode nı̨dè gık'èı̨t'e ha ne,’ yèhdı.

Luke 2:30

Amìı wet'à edaxàgoı̨htè ha sìı sedaà t'à weehɂı̨ hǫt'e.

Luke 3:8

Edek'eahłı̨ nı̨dè wek'ę̀ę̀ eghàlaahda. ‘Abraham gotà hǫt'e,’ dahdı-le. Nǫ̀htsı̨ sìı jǫ kwe whelaa t'à Abraham gha chekoa ehtsı̨ wegha dìì nıìle.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

Galatıa 3:14

Ededı̨ edaxàgoı̨la hǫt'e, hanì-ı̨dè Nǫ̀htsı̨ edeyatıì Abraham ghàı̨ɂǫǫ sìı Zezì-Krı wet'ǫ̀ǫ̀ dǫ Israel got'ı̨į̀ agı̨ı̨t'e-le sìı ts'ǫ̀ ade ha. Goxı̨ Zezì-Krı gogha ehkw'ı-ahodı t'à Nǫ̀htsı̨ weyatıì k'e Yedàyeh Nezı̨ı̨ goghàyeɂà ha.

Galatıa 3:29

Zezì-Krı wets'ǫ aaht'e nı̨dè Abraham wets'ıhɂǫ̀ǫ-dǫǫ̀ aaht'e, eyıts'ǫ Nǫ̀htsı̨ edeyatıì Abraham ghàı̨ɂǫǫ sìı naxıghaelı̨ ha.

Galatıa 3:7

Eyıt'à, dǫ hazǫǫ̀ Nǫ̀htsı̨ gıgha ehkw'ı adıı sìı Abraham wets'ıhɂǫ̀ǫ-dǫǫ̀ agı̨ı̨t'e k'ę̀ę̀ gııtà hǫt'e. Eyı wenıahdì welì.

1 Peter 2:10

Įnę̀ę Nǫ̀htsı̨ wets'ǫ dǫ aaht'e-le ı̨lè, hanìkò dıì sìı Nǫ̀htsı̨ wets'ǫ aaht'e. Įnę̀ę etenaxeèɂı̨-le ı̨lè, hanìkò dıì sìı etenaxeèɂı̨ hǫt'e.