Luke 19:13 - Nǫ̀htsı̨ Nı̨htł'è

¹³ Eyıt'à edecheekeè hoònǫ gokàehɂà. Hazǫǫ̀ ełèht'eè sǫǫ̀mba ełètłǫ gotaàwhela, hagòhdı, ‘Jǫ nǫehtła gots'ǫ̀ dıı sǫǫ̀mba wet'à eghàlaahda,’ gòhdı.

Luke 19:13 ပူးပေါင်းရင်းမြစ်များ

Matthew 25:16

Wecheekeè sı̨làı-lemì satsǫ̀ą dekwoo weghǫ̀zhaa sìı ekòet'ıì eyı sǫǫ̀mba t'à eghàlaı̨dà. Yet'à sı̨làı-lemì satsǫ̀ą dekwoo deɂǫ̀atłǫ whehtsı̨.

Matthew 25:20

Wecheekeè sı̨làı-lemì satsǫ̀ą dekwoo weghǫ̀zhaa sìı wexètłǫ sı̨làı-lemì yèhtsı̨ı̨ sìı hazǫǫ̀ edets'ǫ̀ k'àowo gà nèyı̨ı̨wa, hayèhdı, ‘Sets'ǫ̀ k'àowo, sı̨làı-lemì satsǫ̀ą dekwoo t'à eghàlaıhdà asèneelà ı̨lè. Jǫ weghàı̨da, eyı wet'à k'achı̨ sı̨làı-lemì whıhtsı̨,’ yèhdı.

Matthew 25:22

“Wecheekeè nàke-lemì satsǫ̀ą dekwoo weghǫ̀zhaa sìı ededı̨ sı edets'ǫ̀ k'àowo ts'ǫ̀ èhtła, hayèhdı, ‘Sets'ǫ̀ k'àowo, nàke-lemì satsǫ̀ą dekwoo t'à eghàlaıhdà asèneelà. Jǫ weghàı̨da, eyı wet'à k'achı̨ nàke-lemì whıhtsı̨,’ yèhdı.

Matthew 25:24

“Eyı tł'axǫǫ̀ wecheekeè ı̨łè-lemì satsǫ̀ą dekwoo weghǫ̀zhaa sìı edets'ǫ̀ k'àowo ts'ǫ̀ èhtła, hayèhdı, ‘K'àowo, dǫ dìì anet'e nek'èehsǫ. T'asìı dehshe gha t'asìı dèè k'e nèneela-le kò, wets'ǫ t'asìı dèhshǫǫ sìı į̀hchı.

Luke 19:12

hadı, “Dǫ ahxee ı̨łè, k'àowocho elı̨ ha wììhchı ha t'à, nıwàa nèk'e ts'ǫ̀ ajà. Eyı tł'axǫǫ̀-ı̨dè jǫ ts'ǫ̀ anade ha.

Luke 19:14

“Hanìkò wenèk'e gots'ǫ dǫ gıdzaı̨hwhǫ, eyıt'à dǫ mǫ̀hdaa gık'èè geèhɂà, dıı hagedı ha t'à, ‘Eyı dǫ sìı gogha k'àowocho elı̨ ha wets'ı̨ı̨hwhǫ-le,’ gedı.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.