Luke 19:10 - Nǫ̀htsı̨ Nı̨htł'è

¹⁰ Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

Luke 19:10 ပူးပေါင်းရင်းမြစ်များ

Matthew 1:21

Dǫzhìa nìı̨htè ha. Edèot'ı̨ gıhołı̨į̀ ch'à edaxàgole ha t'à, Zezì wìyeh awı̨ı̨le ha,” yèhdı.

Matthew 10:6

Israel got'ı̨į̀ gıta sahzǫ̀ą dıkǫède lagı̨ı̨t'ee sìı ts'ǫ̀ aahde.

Matthew 15:24

Zezì gots'ǫ̀ hadı, “Israel got'ı̨į̀ gıta sahzǫ̀ą dıkǫgeèdee sìı gıgha zǫ jǫ ts'ǫ̀ asììdlà hǫt'e,” gòhdı.

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

Luke 15:8

“Ts'èko ı̨łè satsǫ̀ą dètìı hoònǫ wets'ǫ sìı ı̨łè weghǫ dıkǫdeèwò nı̨dè ek'aèk'ǫ yìhtła gà hazǫǫ̀ gok'eetį̀ xè hotıì nezı̨į̀ yekanıwǫ ha-le nì?

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

Rome 5:6

Dıı wenıahdì welì: Nǫ̀htsı̨ wegha ehkw'ı nèhòkw'o ekò, ı̨łaà edets'àts'edı ha dìì ekìıyeè k'e Zezì-Krı dǫ wejıı gha ełaı̨wo hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.