Luke 18:22 - Nǫ̀htsı̨ Nı̨htł'è

²² Zezì dǫ hadıì yıìkw'o ekò hayèhdı, “Įłaà t'asìı ı̨łè zǫ hanelà-le. T'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'èętło,” Zezì yèhdı.

Luke 18:22 ပူးပေါင်းရင်းမြစ်များ

Matthew 19:21

Zezì hayèhdı, “Degaı nelı̨ ha neewǫ nı̨dè t'asìı hazǫǫ̀ nets'ǫ sìı hazǫǫ̀ neghǫ nàedì gà eyı wesǫǫ̀mbaà hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.

Luke 10:42

hanìkò t'asìı ı̨łè zǫ negha wet'àaɂà. Eyı t'asìı denahk'e nezı̨ı̨ sìı Mary edegha yį̀į̀hchì hǫt'e. Eyı weghǫ ìchı ha nıìle,” Zezì yèhdı.

Luke 12:33

T'asìı hazǫǫ̀ naxıts'ǫ sìı naxıghǫ nàedì gà eyı sǫǫ̀mba dǫ-teèt'ı̨ı̨ ghàahłe. Sǫǫ̀mbawò nàzà-le sìı edegha aahtsı̨. Yak'e t'asìı nezı̨ı̨ wheahła nı̨dè wek'ehowı ha-le, eeɂį̀ı̨-dǫǫ̀ geeɂį̀ ha-le, eyıts'ǫ yììda yedè ha-le.

Luke 16:9

Eyıt'à dıı hanaxèehsı̨, dıı nèk'e t'asìı naxıts'ǫ sìı wet'à edeàgı̨ą aahtsı̨. Hanì-ı̨dè t'asìı naxıghǫ whìle agòjà nı̨dè, welǫ whìle ts'ǫ̀ dǫ nàdèe sìı goyaahdè anaxegele ha.

Luke 18:21

Eyıt'à dǫ hadı, “Chekoa ehłı̨ gots'ǫ eyı nàowo hazǫǫ̀ wek'èɂaeht'è hǫt'e,” hadı.

Luke 18:23

Eyı dǫ Zezì hadıì ıìkw'o ekò ts'ǫǫ̀nıwǫ lajà, dǫ ahxee-deè elı̨ t'à.

Luke 9:23

Hadı tł'axǫǫ̀ Zezì dǫ hazǫǫ̀ ts'ǫ̀ hadı, “Amìı sek'èè at'ı̨ ha nıwǫǫ sìı edeghǫ nànıwo ha nıìle eyıts'ǫ dzę taàt'eè edets'ǫ dechı̨et'aa sek'èè nayatı̨ ha hǫt'e.

Phılıppı 3:13

Sèot'ı̨ı̨, t'asìı hazǫǫ̀ hahłà dehwhǫ nıìle, hanìkò dıı haht'ı̨ hǫt'e: Įdè whelaa sìı weghǫ nànıhwho nıìle, hanìkò ı̨daà ayìı whelaa sìı wek'ę̀ę̀ ehda ha hòtł'ò dehwhǫ.

2 Peter 3:8

Seàgı̨ą, dıı t'asìı ı̨łè wenaahdì-le sǫ̀ǫ̀: Nǫ̀htsı̨ wegha ı̨łè dzęę̀ sìı ı̨łè-lemì xo lanì hǫt'e, eyıts'ǫ ı̨łè-lemì xo sìı wegha dzę ı̨łè lanì hǫt'e.