Luke 17:30 - Nǫ̀htsı̨ Nı̨htł'è

³⁰ “Dǫ-wet'àaɂàa-deè wègoèt'į̀ı̨ dzęę̀ k'e nı̨dè hotıì eyı lagode ha hǫt'e.

Luke 17:30 ပူးပေါင်းရင်းမြစ်များ

Matthew 16:27

Dǫ-wet'àaɂàa-deè sìı detà wets'ǫ t'asìı nàtsoo xè enıìyah deè t'à edets'ǫ yak'eet'ı̨į̀ goxè nììtła ha. Eyıts'ǫ dǫ hazǫǫ̀ dànì eghàlagı̨ı̨dà k'ę̀ę̀ goghàhòɂà ha.

Matthew 24:3

Zezì shìh Olıvet gòyeh ekǫ wheda ekò wecheekeè whatsǫǫ̀ gıts'ǫ̀-ède, hagıìhdı, “Dàht'e-ı̨dè hagode ha sìı gots'ǫ̀ haı̨dı, eyıts'ǫ nǫǫde dzęę̀ jǫ anaąde ha nìkw'o nı̨dè ayìı ghàà wek'èts'eezǫ ha?” wecheekeè gıìhdı.

Matthew 24:37

Dǫ-wet'àaɂàa-deè nììtła nı̨dè t'akwe Noah dıı nèk'e nàı̨dè ekò dànì dǫ gı̨ı̨dàa sìı eyı xèht'eè lagode ha.

Matthew 24:39

Gıxè dàgode ha gık'èezǫ-le, hǫtsaa gıxè dèè te teètł'ı, dǫ hazǫǫ̀ tı t'à ełaàgı̨ı̨dè. Dǫ-wet'àaɂàa-deè nììtłaa dzęę̀ k'e nı̨dè hotıì eyı lagode ha hǫt'e.

Matthew 26:64

Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.

Mark 13:26

“Eyı dzęę̀ k'e Dǫ-wet'àaɂàa-deè enıìyah t'à nàtso xè k'oh k'e nììtła ha, eyıts'ǫ dǫ hazǫǫ̀ geɂį̀ ha.

Luke 17:24

Dǫ-wet'àaɂàa-deè jǫ ts'ǫ̀ anajà nı̨dè hǫtsaa kǫ̀-naìtł'ı̨ı̨ lanì wègoèt'į̀ ha. Kǫ̀-naìtł'ı̨ nı̨dè yat'a hazǫǫ̀ dzęh agot'į̀; jǫ nììtła nı̨dè eyı lagode ha.

Luke 17:29

Hanìkò Lot, kǫ̀ta Sodom gots'ǫ nakwı̨èhtłaa dzęę̀ k'e yak'e gots'ǫ kwe dèk'ǫ̀ǫ hodàètł'ı t'à dǫ hazǫǫ̀ ełaàgı̨ı̨dè ı̨lè.

Luke 21:22

Ekìıyeè k'e nı̨dè Jerusalem hoìla weghàhòt'à ha. Nakwenàoɂǫǫ hazǫǫ̀ ayìı dek'enègı̨ı̨tł'èe sìı wek'ę̀ę̀ agode ha hǫt'e.

Luke 21:27

Eyı dzęę̀ k'e Dǫ-wet'àaɂàa-deè enıìyah t'à nàtso k'oh k'e nììtła ha, eyıts'ǫ dǫ hazǫǫ̀ geɂį̀ ha.

1 Corınth 1:7

Eyıt'à gots'ǫ̀ K'àowo Zezì-Krı gots'ǫ̀ anade gha wedanaahɂı̨ gots'ǫ̀, Yedàyeh Nezı̨ı̨ t'asìı naxıghàı̨ɂǫǫ sìı hazǫǫ̀ naxıts'ǫ hǫt'e.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

Colosse 3:4

Eyıt'à Zezì-Krı wets'ıhɂǫ̀ aahda, eyıts'ǫ K'àowocho enıìyah k'ę̀ę̀ wègoèht'į̀ nı̨dè naxı̨ sı wexè naxègaat'ı̨ ha hǫt'e.

2 Thessalonıca 1:7

eyıts'ǫ naxıgha hoìlaa sìı naxıxè ts'èwhı̨į̀ hòɂǫǫ̀ ayele ha, goxı̨ sı goxè hagole ha. Gots'ǫ̀ K'àowo Zezì yak'e gots'ǫ wègoèht'į̀ nı̨dè goxè hagode ha. Ekò nı̨dè kǫ̀woò nàtsoo xè yak'eet'ı̨į̀ nàgetsoo wemǫǫ̀ gìgoèht'į̀ ha.

1 Peter 1:13

Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 Peter 1:7

Naxıts'ǫ̀ hagot'ı̨ı̨ sìı wet'à naxınì sıì nàtsoò ade ha. Goınì nàtsoo sìı sǫǫ̀mbaekwo gots'ǫ nahk'e wet'àhoòɂà hǫt'e, sǫǫ̀mbaekwo sìı kǫ̀ t'à nezı̨į̀ hołè kò ek'eèhtsǫ̀ at'į̀ hǫt'e. Goınì nàtsoo xè ehkw'ıì adlà nı̨dè Zezì-Krı nǫ̀ǫtłaa dzęę̀ k'e wet'à enıìyah xè weghàsǫhoedı welè.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.

1 John 3:2

Seàgı̨ą, dıì Nǫ̀htsı̨ weza ats'ı̨ı̨t'e, ı̨daà dǫ dàhòt'ı̨ı̨ ts'ı̨ı̨lı̨ ha sìı ı̨łaà wek'èts'eezǫ nıìle. Hanìkò Zezì-Krı dànì wègaat'ı̨ k'ę̀ę̀ wets'eɂį̀ ha ne t'à nììtła nı̨dè wexèht'eè lats'ede ha wek'èts'eezǫ.

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.