Luke 17:2 - Nǫ̀htsı̨ Nı̨htł'è

² Eyı dǫ hojıı hohtsı̨ ch'à wek'o k'e kwe nedàa wexeetł'ı̨ gà tègı̨ı̨xà nı̨dè wegha denahk'e nezı̨ ha hǫt'e. Hawììdlà nı̨dè wets'ıhɂǫ̀ dıı chekoa nechà-lea lanıı hołı̨ı̨ hogehtsı̨ ha nıìle.

Luke 17:2 ပူးပေါင်းရင်းမြစ်များ

Matthew 17:27

Hanìkò dǫ gık'èch'a hots'ehtsı̨ ch'à tabàa ts'ǫ̀-ı̨tła gà jìh tį̀ı̨hk'ah. Łıwe t'akwełǫ̀ǫ̀ nehjìı sìı wewà yìı satsǫ̀ą degoo nechàa gòį̀hɂà ha. Eyı nıìchı gà sǫǫ̀mba-nàhtsį̀ı̨-dǫǫ̀ ghàı̨chı, wet'à nı̨ negha eyıts'ǫ sı̨ segha Nǫ̀htsı̨kǫ̀-gocho gha k'aodèe gıts'àɂı̨ı̨hdì,” yèhdı.

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 18:14

Eyı xèht'eè Naxıtà yak'e whedaa sìı dıı chekoa nechà-lea lanıı dıkǫgeedè ha nıwǫ nıìle.

Matthew 26:24

Hotıì Nǫ̀htsı̨ Nı̨htł'è k'e dànì dek'eèhtł'è k'ę̀ę̀ Dǫ-wet'àaɂàa-deè ełaàwı ha hǫt'e, hanìkò amìı k'aodèe gotł'aàyehtè ha sìı wegha hoìla nechà ha hǫt'e. Eyı dǫ wegǫ̀hłı̨-le nı̨dè denahk'e wegha nezı̨ ha ı̨lè,” gòhdı.

Mark 9:42

Eyı tł'axǫǫ̀ Zezì edecheekeè ts'ǫ̀ dıı hadı, “Dıı lanıı chekoa nechà-lea gıgha ehkw'ı aehsı̨ı̨ sìı amìı hołı̨ı̨ hogehtsı̨į̀ agohɂı̨ı̨ sìı eyı dǫ wegha hoìla ha hǫt'e. Dǫ hanì hojıì hohtsı̨ ch'à wek'o k'e kwe nedàa wexeetł'ı̨ gà tègı̨ı̨xà nı̨dè wegha denahk'e nezı̨ ha hǫt'e.

John 21:15

Shègıazhe tł'axǫǫ̀ Zezì Sımon-Peter ts'ǫ̀ hadı, “John weza Sımon, dıı dǫ gınahk'e seghǫneę̀tǫ nì?” Sımon yets'ǫ̀ hadı, “Hęɂę, sets'ǫ̀ K'àowo, neghǫneehtǫ wek'èı̨zǫ ne,” yèhdı. Zezì hayèhdı, “Sesahzǫ̀ą gıwàı̨dı,” yèhdı.

1 Corınth 9:15

Hanìkò sı̨ ayìı seghàhòt'à ha ı̨lèe sìı wedę kò dehwhǫ. Edahxǫ t'asìı seghàahłe ha dehwhǫ t'à dıı hanì naxıts'ǫ̀ ehtł'è nıìle. T'asìı k'èxa-le godı nezı̨ı̨ t'à naxıts'ǫ̀ gohdee sìı weghǫ xàdahohdì ha dìì-le. Eyı sìı dǫ seghǫ yìhchı nı̨dè bò dę ełaıhwho kò segha denahk'e nezı̨ hǫt'e.

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.