Luke 16:8 - Nǫ̀htsı̨ Nı̨htł'è

⁸ “K'àowo, wecheekeè hanì edegha gǫǫzǫǫ̀ k'ehoɂa t'à yeghǫ nezı̨į̀ xàyaı̨htı. Dǫ Nǫ̀htsı̨ k'ègeezǫ-le sìı edexèht'eè dǫ xè nezı̨į̀ eghàlageeda gha gogı̨ı̨zǫ. Hanì ełexè eghàlageeda t'à, dǫ gıxè dzęh agǫ̀ht'ee sìı nahk'e gogı̨ı̨zǫ,” hadı.

Luke 16:8 ပူးပေါင်းရင်းမြစ်များ

Dànì Kèhoį̀wo 3:1

Gòocho sìı Nǫ̀htsı̨ tıts'aàdìı whatsǫǫ̀ edegeedaa whehtsı̨ı̨ sìı hazǫǫ̀ t'à gonahk'e eghǫyaeɂà gha gǫǫzǫ hǫt'e. Ts'èko ts'ǫ̀ hadı, “Nǫ̀htsı̨, dıı dèè-goehshee-k'è ts'ı t'alàa-sìı wets'ǫ shèahtı̨ ha-le, hadı nì?” yèhdı.

Matthew 12:32

Eyıts'ǫ Dǫ-wet'àaɂàa-deè k'èch'a gogede nı̨dè eyı gıghǫ nahoezhe ha, hanìkò dǫ Yedàyeh Nezı̨ı̨ k'èch'a gogede nı̨dè gıghǫ nahoezhe ha-le. Dıì gıghǫ nahoezhe ha-le eyıts'ǫ ı̨daà sı gıghǫ nahoezhe ha-le.

Matthew 17:26

“Dǫ eyıì-le gots'ǫ,” Peter yèhdı. Zezì yets'ǫ̀ hadı, “Hanì-ı̨dè xàè gıza gots'ǫ sǫǫ̀mba gìhchì nıìle.

Luke 16:10

“Amìı t'asìı łǫ-lea kò yet'à ehkw'ı eghàlaedaa sìı t'asìı łǫ sı t'à ehkw'ı eghàlaeda ha hǫt'e. Ekò amìı t'asìı łǫ-le t'à ehkw'ı eghàlaeda-le nı̨dè t'asìı łǫ sı t'à ehkw'ı eghàlaeda ha nıìle.

Luke 16:4

Ayìı dàhłe ha wek'èehsǫ: dǫ gıgha nezı̨į̀ k'ehoehɂa ha. Jǫ seghǫ la ìchì nı̨dè dǫ edekǫ̀ gıxè nàhdè asegele ha,’ edets'ǫ̀ hanıwǫ.

Luke 16:7

“Eyıts'ǫ dǫ yek'èè nììtłaa sìı ts'ǫ̀ hadı, ‘Nenı̨htł'è dàtłǫ?’ yèhdı. “ ‘Łè nàkeakw'eènǫ aı̨hda senı̨htł'è,’ yèhdı. “K'àowo wecheekeè yets'ǫ̀ hadı, ‘Nenı̨htł'è nı̨į̀ɂa gà ı̨łèakw'eènǫ-daats'ǫ̀-ek'ètaènǫ aı̨hda dek'enìı̨tł'è,’ yèhdı.

Luke 18:6

Eyı godı weghàà Zezì edecheekeè gots'ǫ̀ hadı, “Dǫ-sınìyaehtıı-dǫǫ̀ wejıı dàdıı sìı wedaànıahdè.

Luke 20:34

Zezì gots'ǫ̀ hadı, “Dıì dǫ geedaa sìı honìgedè xè edetì dǫ ghàgele.

Luke 20:35

Hanìkò ekìıyeè k'e dǫ negezı̨ t'à gıxè agode gha gııtàa sìı nagìdà agole ha. Eyı dǫ nagìdà nı̨dè honìgedè ha nıìle.

John 12:36

Įłaà dzęh naxıxè wheɂǫ et'ıì wenı k'eahdè xè ehkw'ı-ahodı dahwhǫ, hanì-ı̨dè naxıxè dzęh agǫ̀ht'e ha,” Zezì hadı tł'axǫǫ̀ whatsǫǫ̀ gòɂǫǫ ts'ǫ̀ naèhtła.

1 Corınth 3:18

Dànì nànıahdè t'à edeghǫyaahɂà sǫ̀ǫ̀. Dǫ dıı nèè gots'ǫ nàowo k'ę̀ę̀ gohsǫ edeewǫ nı̨dè, ezhı̨ne ladıdle, hanì-ı̨dè sıì gǫǫzǫǫ̀ ade ha.

Ephesus 5:8

Įnę̀ę sìı naxı̨ sı naxıxè togoòtł'ò ı̨lè, hanìkò dıì sìı gots'ǫ̀ K'àowo wets'ıhɂǫ̀ naxıxè dzęh agòjà. Eyıt'à dǫ gıxè dzęh agǫ̀ht'e lanì aahda.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

1 Thessalonıca 5:5

Naxı̨ hazǫǫ̀ dzęh gots'ǫ dǫ aaht'e. Togoòtł'òo gots'ǫ dǫ ats'ı̨ı̨t'e nıìle. Eyıt'à Nǫ̀htsı̨ wets'ǫ dzęh nı̨ı̨dı̨ı̨ yìı aahda.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.