Luke 16:6 - Nǫ̀htsı̨ Nı̨htł'è

⁶ “ ‘Tłeh ek'èdı̨akw'eènǫ-lemì lìgalǫ̀ senı̨htł'è,’ yèhdı. “K'àowo wecheekeè yets'ǫ̀ hadı, ‘Įwhąą̀ jǫ nenı̨htł'è k'e dı̨akw'eènǫ dek'enìı̨tł'è,’ yèhdı.

Luke 16:6 ပူးပေါင်းရင်းမြစ်များ

Matthew 20:8

“Xèhts'ǫ̀ agòjà ekò k'àowo edecheekeè ts'ǫ̀ hadı, ‘Eghàlageedaa-dǫǫ̀ jǫ gı̨ı̨hɂà, dàtłǫ gıts'àɂeedì ha sìı gıts'àɂı̨ı̨hdì. Amìı nǫǫde la k'e nègı̨ı̨dee sìı t'akwełǫ̀ǫ̀ gıts'àɂı̨ı̨hdì eyıts'ǫ amìı t'akwełǫ̀ǫ̀ la k'e nègı̨ı̨dee sìı nǫǫde gıts'àɂı̨ı̨hdì,’ edecheekeè gòhdı.

Luke 16:12

Eyıts'ǫ dǫ gıts'ǫ t'asìı t'à ehkw'ı eghàlaahda-le nı̨dè, amìı t'asìı xàè naxıts'ǫ-elı̨ gha t'asìı naxıghàyeɂà ha welì?

Luke 16:5

“Eyıt'à wets'ǫ̀ k'àowo ts'ǫ̀ gını̨htł'è gǫ̀hłı̨ı̨ sìı gokayaı̨htı. Dǫ t'akwełǫ̀ǫ̀ ts'ǫ̀ hadı, ‘Sets'ǫ̀ k'àowo ts'ǫ̀ nenı̨htł'è dàtłǫ?’ yèhdı.

Luke 16:7

“Eyıts'ǫ dǫ yek'èè nììtłaa sìı ts'ǫ̀ hadı, ‘Nenı̨htł'è dàtłǫ?’ yèhdı. “ ‘Łè nàkeakw'eènǫ aı̨hda senı̨htł'è,’ yèhdı. “K'àowo wecheekeè yets'ǫ̀ hadı, ‘Nenı̨htł'è nı̨į̀ɂa gà ı̨łèakw'eènǫ-daats'ǫ̀-ek'ètaènǫ aı̨hda dek'enìı̨tł'è,’ yèhdı.

Luke 16:9

Eyıt'à dıı hanaxèehsı̨, dıı nèk'e t'asìı naxıts'ǫ sìı wet'à edeàgı̨ą aahtsı̨. Hanì-ı̨dè t'asìı naxıghǫ whìle agòjà nı̨dè, welǫ whìle ts'ǫ̀ dǫ nàdèe sìı goyaahdè anaxegele ha.

John 2:6

Tı gha kwetǫ nechàa ek'ètaı eyı whela, wet'à Israel got'ı̨į̀ edenàowoò k'ę̀ę̀ edılà eyıts'ǫ edekè k'enagehtse. Kwetǫ ı̨łè naènǫ hanì-le-ı̨dè taènǫ lìgalǫ̀ haàtłǫ tı weyìı whetł'ı hǫt'e.

Tıtus 2:10

goghǫ egııɂį̀-le. K'àowo ts'ǫ̀ hanì ehkw'ı k'ehogeɂa nı̨dè ehkw'ı nàhogehdè gogı̨ı̨hwhǫ ha. Haget'ı̨ nı̨dè Nǫ̀htsı̨ Edaxàgolee wegodıì t'à dǫ hoghàgıts'eèhtǫǫ sìı k'àowo gha nezı̨į̀ aget'ı̨ ha.