Luke 16:3 - Nǫ̀htsı̨ Nı̨htł'è

³ “Eyıt'à wecheekeè hanıwǫ, ‘Sets'ǫ̀ k'àowo seghǫ la naìchı ha t'à edı̨į̀ dàhdza lì? Dèè xàgohge ha nàhtso-le, eyıts'ǫ dǫ t'asìı geehkè ha sìı ghǫ į̀į̀zhaehłı̨.

Luke 16:3 ပူးပေါင်းရင်းမြစ်များ

Matthew 20:8

“Xèhts'ǫ̀ agòjà ekò k'àowo edecheekeè ts'ǫ̀ hadı, ‘Eghàlageedaa-dǫǫ̀ jǫ gı̨ı̨hɂà, dàtłǫ gıts'àɂeedì ha sìı gıts'àɂı̨ı̨hdì. Amìı nǫǫde la k'e nègı̨ı̨dee sìı t'akwełǫ̀ǫ̀ gıts'àɂı̨ı̨hdì eyıts'ǫ amìı t'akwełǫ̀ǫ̀ la k'e nègı̨ı̨dee sìı nǫǫde gıts'àɂı̨ı̨hdì,’ edecheekeè gòhdı.

Mark 10:46

Ekìıyeè k'e kǫ̀ta Jerıcho nègı̨ı̨de. Zezì eyıts'ǫ wecheekeè eyı kǫ̀ta ts'ǫǫ̀ nageèhde ekò dǫ łǫ gok'èè geède. Dǫ wedaà goìlee Bartımaeus wìyeh sìı tı̨lıbàa wheda xè t'asìı gha nàdaetì. (“Bartımaeus” gedı nı̨dè “Tımaeus weza” gedıì-agedı.)

Luke 12:17

Dǫ edets'ǫ̀ hadı, ‘Ayìı dàhłà lì? Edı̨į̀ t'asìı whıhła ha gòɂǫ-le,’ hadı.

Luke 16:2

Eyıt'à k'àowo edecheekeè kayaı̨htı gà yets'ǫ̀ hadı, ‘Neghǫ godı nezı̨-le eèhkw'o. Hòt'a segha eghàlaı̨da ha-le t'à, t'asìı hazǫǫ̀ netł'aà whelaa sìı dek'enìı̨tł'è,’ yèhdı.

Luke 16:20

Wekǫ̀ gotı̨ı̨dà gà dǫ eteèt'ı̨ı̨ Lazarus wìyeh t'aats'ǫǫ̀ eyı nègıhtè. Wekwǫ̀ta hazǫǫ̀ wekaà łǫ t'à sıì eteèt'ı̨. Eyıts'ǫ yeghǫ shètı̨ ha nàdaetì.

Luke 16:22

“Įłè dzęę̀ eyı dǫ eteèt'ı̨ı̨ ełaı̨wo, yak'eet'ı̨į̀ nıgı̨į̀htı̨ gà Abraham ts'ǫ̀ nègı̨ı̨htı̨. Dǫ ahxee ededı̨ sı ełaı̨wo t'à wekw'ǫǫ̀ nègı̨į̀tǫ.

Luke 16:4

Ayìı dàhłe ha wek'èehsǫ: dǫ gıgha nezı̨į̀ k'ehoehɂa ha. Jǫ seghǫ la ìchì nı̨dè dǫ edekǫ̀ gıxè nàhdè asegele ha,’ edets'ǫ̀ hanıwǫ.

Luke 18:4

“Edlaı̨wa ts'ǫ̀ eyı ts'èko k'èhoı̨ɂǫ-le. Nǫǫdea dǫ-sınìyaehtıı-dǫǫ̀ dıı hanıwǫ, ‘Nǫ̀htsı̨ ts'àehjı̨ nıìle, eyıts'ǫ dǫ sı gıts'ǫnıhɂà nıìle,

John 9:8

Dǫ gıgà nàdèe eyıts'ǫ ı̨nę̀ę t'asìı eekèe zǫ t'à dǫ gık'èezǫǫ sìı dałegeehke, “Dıı dǫ t'aats'ǫǫ̀ t'asìı eekè là eyı nì-ı̨t'e?” gedı.

Zezì Wecheekeèdeè 3:2

Dǫ ı̨łè wegǫ̀hłı̨ gots'ǫ k'eda-le sìı Nǫ̀htsı̨kǫ̀-gocho tı̨ı̨dà Wèdaat'ı̨ı̨ gòyeh ekǫ nègeèchì. Dzę taàt'eè eyı nègehtè, dǫ goyageedèe sìı sǫǫ̀mba goekè ha eyı whedaà agehɂı̨.

Zezì Wecheekeèdeè 9:6

Nıį̀tła gà kǫ̀ta ts'ǫ̀ anede, ayìı dànele ha sìı nets'ǫ̀ hagedı ha,” Zezì yèhdı.

2 Thessalonıca 3:11

Naxıta dǫ mǫ̀hdaa gots'egeedìı xè edets'àgedı ha gı̨ı̨wǫ-le, eyıts'ǫ dǫ gıìdı-le sìı ghǫ gogede, weghǫ ets'ıìkw'o hǫt'e.