Luke 16:25 - Nǫ̀htsı̨ Nı̨htł'è

²⁵ “Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.

Luke 16:25 ပူးပေါင်းရင်းမြစ်များ

Matthew 27:63

Gıts'ǫ̀ hagedı, “K'àowo, eyı dǫ-ghǫyaeɂàa-dǫǫ̀ hǫt'e ı̨lè. Įłaà eda ekò dàdı ı̨lèe sìı wenats'edì, ‘Taı dzęę̀ k'ehǫǫwo tł'axǫǫ̀-ı̨dè naèhdà ha,’ hadı ı̨lè.

Mark 9:45

Eyıts'ǫ naxıkè t'à hołı̨ı̨ hoahtsı̨ nı̨dè wek'eahkà. Naxıkè ı̨łè zǫ t'à welǫ whìle ts'ǫ̀ aahdaà aahjà nı̨dè naxıgha denahk'e nezı̨ hǫt'e. Hanì-le-ı̨dè naxıkè nàke xè wehłı̨kǫ̀ ts'ǫ̀ anaxedle ha hǫt'e.

Luke 16:20

Wekǫ̀ gotı̨ı̨dà gà dǫ eteèt'ı̨ı̨ Lazarus wìyeh t'aats'ǫǫ̀ eyı nègıhtè. Wekwǫ̀ta hazǫǫ̀ wekaà łǫ t'à sıì eteèt'ı̨. Eyıts'ǫ yeghǫ shètı̨ ha nàdaetì.

Luke 16:23

Eyı dǫ wehłı̨kǫ̀ daı̨ɂà ekò ı̨dòo k'eet'į̀. Abraham nıwà wegha wègaat'ı̨, eyıts'ǫ Lazarus yegà whedaa wegha wègoèht'į̀.

Luke 16:26

Eyıts'ǫ nets'ǫ̀ dèè goge goı̨chàa gòɂǫ. Jǫ gots'ǫ dǫ nets'ǫ̀ łatageedè ha gı̨ı̨wǫ kò hagede ha dìì. Eyıt'à ekǫ gots'ǫ dǫ gots'ǫ̀ łatageedè ha dìì,’ Abraham yèhdı.

Luke 6:24

Naxı̨ dǫ ahxee yàahłı̨ı̨ sìı dıì hòt'a naxıgha nàhotì-le hòɂǫ t'à naxıgha hoìla ha hǫt'e.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

1 Thessalonıca 3:3

Hanì-ı̨dè hoìla naxıxè k'ehokw'o kò, weghǫ nànıahdè-le eyıts'ǫ naxıgha gots'eèdı welè-le. Dats'ı̨ı̨ɂa ha Nǫ̀htsı̨ goghàhòı̨ɂǫǫ sìı wek'èahsǫ hǫt'e.

Hebrew 11:25

Whaà-lea gots'ǫ̀ hołı̨ı̨ t'à sìgoèt'ı̨ı̨ sìı wedę kò nıwǫ, hanìkò Nǫ̀htsı̨ wets'ǫ dǫ dànì dagogį̀ı̨hɂaa sìı gıxèht'eè ehda ha nıwǫ.

1 John 2:15

Dıı nèè gots'ǫ t'asìı wı̨ı̨zìı ghǫnıahtǫ-le. Dǫ dıı nèè ts'ǫ nàowo ghǫneètǫ nı̨dè Nǫ̀htsı̨-Gotà goghǫneètǫǫ sìı k'ę̀ę̀ geeda nıìle.

John Wenazhıı 7:14

Eyıt'à wets'ǫ̀ haehsı̨, “K'àowo, nı̨ wek'èı̨zǫ hǫt'e.” Sets'ǫ̀ hadı, “Eyı agı̨ı̨t'ee sìı hòtł'ò dagı̨ı̨ɂà hǫt'e. Sahzǫ̀ą wedoò t'à edeɂeè k'enagı̨ı̨htso t'à gıɂeè degoò agį̀į̀là hǫt'e.