Luke 15:7 - Nǫ̀htsı̨ Nı̨htł'è

⁷ Eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè, yak'e geèhkw'ee sìı sıì gınà ha hǫt'e. Łǫǫ̀tǫènǫ-daats'ǫ̀-łǫǫ̀tǫ ehkw'ı geeda kò, hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè yak'e geèhkw'ee sìı weghǫ denahk'e gınà ha hǫt'e.”

Luke 15:7 ပူးပေါင်းရင်းမြစ်များ

Matthew 18:13

Ehkw'ı anaxèehsı̨, sahzǫ̀ą ı̨łè dıkǫèhgèe sìı yegòį̀hɂǫ nı̨dè yeghǫ sıì wınà ha hǫt'e, sahzǫ̀ą łǫǫ̀tǫènǫ-daats'ǫ̀-łǫǫ̀tǫ dıkǫgeède-le nahk'e yeghǫ wınà ha hǫt'e.

Matthew 3:8

Edek'eahłı̨ nı̨dè wek'ę̀ę̀ eghàlaahda.

Luke 15:10

Ehkw'ı anaxèehsı̨, eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè Nǫ̀htsı̨ weyak'eet'ı̨į̀ gınà t'à sìgoèt'ı̨ ha hǫt'e,” Zezì gòhdı.

Luke 15:29

Hanìkò edetà ts'ǫ̀ hadı, ‘Łǫ xo negha hòtł'ò eghàlaıhdà eyıts'ǫ t'aats'ǫǫ̀ nek'èɂaıht'è. Hanìkò seàgı̨ą gıxè shèhtı̨ ha, sahzǫ̀ą nechà-lea wı̨ı̨zìı seghàneehtı̨ whìle.

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

Luke 15:6

Edekǫ̀ nǫ̀ǫtła nı̨dè edeàgı̨ą eyıts'ǫ dǫ yegà nàgedèe sìı ts'ǫ̀ dıı hadı ha, ‘Sets'àahdè, sesahzǫ̀ą dıkǫèhgèe ı̨lèe sìı naèhtı̨ t'à, sexè naxınà welè,’ gòhdı ha.

Luke 15:8

“Ts'èko ı̨łè satsǫ̀ą dètìı hoònǫ wets'ǫ sìı ı̨łè weghǫ dıkǫdeèwò nı̨dè ek'aèk'ǫ yìhtła gà hazǫǫ̀ gok'eetį̀ xè hotıì nezı̨į̀ yekanıwǫ ha-le nì?

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Luke 5:32

Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ sìı edek'egı̨ı̨lı̨ gha ahjà,” gòhdı.

Rome 7:9

Moses wenàowoò ghǫ eèhkw'o kwe ehda ı̨lè, hanìkò eyı nàowo seghǫ̀t'ǫ ts'ǫ̀et'ıì hołı̨ı̨ hohtsı̨ ha dehwhǫǫ̀ ahjà, eyıts'ǫ ełaıhwho lahjà.