Luke 15:29 - Nǫ̀htsı̨ Nı̨htł'è

²⁹ Hanìkò edetà ts'ǫ̀ hadı, ‘Łǫ xo negha hòtł'ò eghàlaıhdà eyıts'ǫ t'aats'ǫǫ̀ nek'èɂaıht'è. Hanìkò seàgı̨ą gıxè shèhtı̨ ha, sahzǫ̀ą nechà-lea wı̨ı̨zìı seghàneehtı̨ whìle.

Luke 15:29 ပူးပေါင်းရင်းမြစ်များ

Matthew 20:12

hagedı, ‘Eyı dǫ nǫǫde la k'e nègı̨ı̨dee sìı ı̨łè sadzeè zǫ eghàlagı̨ı̨dà. Goxı̨ k'àhdzǫ la hazǫǫ̀ weghàlats'ı̨ı̨dà ne eyıts'ǫ sadeè nàtsoo nı eghàlats'ı̨ı̨dà hǫt'e. Hanìkò ededı̨ sìı goxètłǫ gıts'àneehdì,’ gıìhdı.

Luke 15:28

“Hanìkò weza ǫhdaà wınì-le, gıgà goyaehtła ha nıwǫ-le. Eyıt'à wetà yets'ǫ̀ xàèhtła, yeghǫnàdaetì.

Luke 15:30

Ekò eyı neza sìı ts'èkojıı ts'ǫ̀ nesǫǫ̀mbaà k'ehǫǫhwho. Hanìkò dıì nǫ̀ǫtła t'à wegha ejıezaa łek'àa ełaànèehwho,’ edetà èhdı.

Luke 15:7

Eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè, yak'e geèhkw'ee sìı sıì gınà ha hǫt'e. Łǫǫ̀tǫènǫ-daats'ǫ̀-łǫǫ̀tǫ ehkw'ı geeda kò, hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè yak'e geèhkw'ee sìı weghǫ denahk'e gınà ha hǫt'e.”

Luke 17:10

Eyıt'à naxı̨ sı ayìı ts'ǫ̀ naxegehɂaa sìı hazǫǫ̀ weghàlaahdà nı̨dè, dıı haahdı ha hǫt'e, ‘T'asìı ats'ı̨ı̨t'e nıìle, ekìı goılaà zǫ ghàlats'ı̨ı̨dà,’ dahdı ha hǫt'e,” Zezì hadıì goxè godo.

Luke 18:9

Dǫ mǫ̀hdaa ehkw'ı geeda edegeewǫ xè dǫ nahk'e gı̨ı̨lı̨ı̨ edegeewǫ t'à Zezì goxè godo, hadı,

Luke 19:21

‘Dǫ dìì anet'e t'à nets'àehjı̨. T'asìı dehshe gha t'asìı dèè k'e nèneela-le kò, wets'ǫ t'asìı ı̨į̀hchı,’ yèhdı.

Rome 10:3

Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.

Rome 3:20

Dǫ wı̨ı̨zìı Moses wenàowoò deghàà k'èdì ha dìì, eyıt'à dǫ wı̨ı̨zìı ehkw'ı eda k'ę̀ę̀ Nǫ̀htsı̨ yesınìyaehtı ha nıìle. Hanìkò Moses wenàowoò ts'ıhɂǫ̀ hołı̨ı̨ hots'ehtsı̨ nǫǫ̀ wek'èts'eezǫǫ̀ ats'ejà.

Rome 3:27

Eyıt'à dànì edeghǫ xàdahots'edì welì? Xàdahots'edì ha honàedı nıìle! Ayìı nàowo t'à ehkw'ıì ats'ejà ts'edı welì? Moses wenàowoò k'èts'edì t'à ehkw'ı goıtà ts'edı ha nì? Į̀le ne, hanìkò Zezì gogha ehkw'ı adı t'à ehkw'ı ts'eedaa k'ę̀ę̀ goıtà ha hǫt'e.

Rome 7:9

Moses wenàowoò ghǫ eèhkw'o kwe ehda ı̨lè, hanìkò eyı nàowo seghǫ̀t'ǫ ts'ǫ̀et'ıì hołı̨ı̨ hohtsı̨ ha dehwhǫǫ̀ ahjà, eyıts'ǫ ełaıhwho lahjà.

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.

John Wenazhıı 3:17

‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?