Luke 15:24 - Nǫ̀htsı̨ Nı̨htł'è

²⁴ Seza sìı ełaı̨wo ı̨lè, hanìkò dıì eda. Dıkǫehtła ı̨lè, hanìkò dıì wenagòt'ǫ,’ gòhdı. Eyıt'à wegha nàsı̨ hogèhtsı̨.

Luke 15:24 ပူးပေါင်းရင်းမြစ်များ

Dànì Kèhoį̀wo 45:28

Eyıt'à Israel hadı, “K'ǫǫ̀t'a segha ehkw'ı-ahodı! Seza Joseph ı̨łaà eda nǫǫ̀. Wets'ǫ̀ ehtła ha, ełaehwhı kwe weehɂį̀ ha,” hadı.

Matthew 8:22

Hanìkò Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe kw'ǫǫ̀ nègııle, hanìkò nı̨ sìı sek'èı̨tła,” yèhdı.

Mark 8:22

Kǫ̀ta Bethsaıda nègı̨ı̨ɂe tł'axǫǫ̀, dǫ mǫ̀hdaa dǫ wedaà goìlee Zezì ts'ǫ̀ geèhchì, gıghǫnàdaetì, hagedı, “Gots'ǫ̀ K'àowo, nılà wek'e anele,” gıìhdı.

Luke 10:19

Gòo eyıts'ǫ nàèdıłı̨ı̨-k'àle lanıı gık'e k'eahdè ha naxıghàhòehɂǫ hǫt'e. Eyıts'ǫ wehłı̨ı̨ t'asìı hazǫǫ̀ t'à nàtsoo sìı wenahk'e nàahtso ha eyıts'ǫ t'asìı wı̨ı̨zìı t'à t'asaahde ha nıìle.

Luke 15:23

Ejıezaa łek'àa sìı ełaahwhı, nàsı̨ hots'ıhtsı̨ xè sìgoèt'ı̨ ha.

Luke 15:25

“Ekò k'e weza ǫhdaà t'asìı dehshee k'è eghàlaeda ı̨lè. La ghǫ nǫǫt'e t'à edekǫ̀ ts'ǫ̀ naetłe ekò wekǫ̀ ts'ǫ̀ nàdahoowo hǫt'e.

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

Luke 15:4

“Naxıta ts'ǫ dǫ ı̨łè sahzǫ̀ą ı̨łèakw'eènǫ wets'ǫ hanìkò ı̨łè dıkǫèhgè nı̨dè sahzǫ̀ą łǫǫ̀tǫènǫ-daats'ǫ̀-łǫǫ̀tǫ sìı ekìı-ka gehteè agole gà sahzǫ̀ą ı̨łè whìle sìı yegòhɂà gots'ǫ̀ yekanıwǫ ha hǫt'e.

Luke 19:10

Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

Luke 9:60

Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe gıkw'ǫǫ̀ nègııle, hanìkò nı̨ sìı Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ ts'ǫ̀ goı̨de,” yèhdı.

John 11:25

Zezì yets'ǫ̀ hadı, “Sı̨ set'à dǫ naìdà xè eda hǫt'e. Amìı ehkw'ı adı sı̨ı̨hwhǫǫ sìı, ełaàwı kò, eda ha.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

Rome 11:15

Nǫ̀htsı̨ Israel got'ı̨į̀ ɂǫ̀goèhde t'à dıı nèk'e dǫ Nǫ̀htsı̨ xè ts'èwhı̨į̀ geedaà agejà hǫt'e. Ekò Israel got'ı̨į̀ Nǫ̀htsı̨ nagòchì nı̨dè weghǫ enıìyah nechà ha hǫt'e; ełaàgı̨ı̨dè gots'ǫ nagìdà lagede ha.

Rome 12:15

Dǫ gınà nı̨dè, gıxè naxınà welè. Dǫ ts'ǫǫ̀gı̨ı̨wǫ nı̨dè gıxè ts'ǫǫ̀dahwhǫ.

Rome 6:11

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Rome 6:13

Naxızhį̀į̀ wı̨ı̨zìı t'à hołı̨ı̨ hoahtsı̨-le, wet'à hołı̨ı̨ k'ę̀ę̀ k'ehoahɂa-le. Hanìkò dǫ ełaı̨dèe gots'ǫ naìdà laaht'e lanì naxızhį̀į̀ hazǫǫ̀ t'à Nǫ̀htsı̨ ghàdeahtè, eyıts'ǫ naxızhį̀į̀ t'à Nǫ̀htsı̨ gha ehkw'ı eghàlaahda.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

1 Corınth 12:26

Gozhį̀į̀ k'e t'asìı ı̨łè daı̨ɂa nı̨dè eyıì-le hazǫǫ̀ wexè dagı̨ı̨ɂa hǫt'e; gozhį̀į̀ k'e t'asìı ı̨łè weghàhodì nı̨dè eyıì-le hazǫǫ̀ wexè gınà hǫt'e.

Ephesus 2:1

Naxı̨ sìı naxıhołı̨į̀ ts'ıhɂǫ̀ dǫ ełaı̨dèe laaht'e ı̨lè.

Ephesus 2:5

Zezì-Krı wexè nats'ìdà agǫ̀ǫ̀là. Hołı̨ı̨ hots'èhtsı̨ t'à dǫ ełaı̨dèe lats'ı̨ı̨t'e ı̨lè kò ts'eedaà agǫ̀ǫ̀là. Eyıt'à Nǫ̀htsı̨ gots'ǫ̀ sǫnıwǫ ts'ıhɂǫ̀ edaxàts'ı̨ı̨de hǫt'e.

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

Colosse 2:13

Naxıhołı̨į̀ ts'ıhɂǫ̀ dǫ ełaı̨dèe laaht'e eyıts'ǫ naxınìłı̨ı̨ k'ę̀ę̀ aahda ekò k'e Nǫ̀htsı̨-Gotà, Zezì-Krı wexè naàhdà anaxììdlà hǫt'e. Gohołı̨į̀ hazǫǫ̀ goghǫ nahoı̨la.

1 Tımothy 5:6

Hanìkò ts'èko gıdǫǫ̀ ełaı̨dèe sìı sìgoèt'ı̨ı̨ zǫ gı̨ı̨wǫ nı̨dè, ı̨łaà geeda et'ıì dǫ ełaı̨dèe lagı̨ı̨t'e.

Jude 1:12

Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.

John Wenazhıı 3:1

“Kǫ̀ta Sardıs Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ Nǫ̀htsı̨ wets'ǫ ı̨nì degaı łǫ̀hdı̨ eyıts'ǫ whǫ̀ łǫ̀hdı̨ welatł'aà whelaa sìı dıı weyatıì hǫt'e: Dànì aahdaa sìı wek'èehsǫ, dǫ nezı̨į̀ aahda naxegı̨ı̨hwhǫ hanìkò dǫ ełaı̨dèe laaht'e.