Luke 15:20 - Nǫ̀htsı̨ Nı̨htł'è

²⁰ Eyıt'à eyı cheko sìı nıìtła gà edetà ts'ǫ̀ naèhtła. “Įłaà nıwà naeda et'ıì wetà yaɂı̨, weghǫ wedzeè eteèɂı̨. Hanì-t'ıì edeza ts'ǫ̀ tı̨mǫèhza, edeyàdo gà yı̨ı̨ts'į̀.

Luke 15:20 ပူးပေါင်းရင်းမြစ်များ

Dànì Kèhoį̀wo 33:4

Hanìkò wı̨ı̨de Esau yets'ǫ̀ tı̨mǫèhza gà yek'o dıìdo xè yek'èts'adlı̨. Gınà t'à į̀łah gı̨ı̨tsè.

Dànì Kèhoį̀wo 45:14

Joseph hadı tł'axǫǫ̀ edechı Benjamın edeyàdo xè etse, wechı Benjamın ededı̨ sı edeyàdo xè etse.

Dànì Kèhoį̀wo 46:29

Joseph edets'ǫ tłı̨cho-behchı̨į̀ xè sıagǫ̀ǫ̀là gà edetà Israel eɂį̀ ha Goshen nèk'e ts'ǫ̀ èhtła. Edetà gà nììtła ts'ǫ̀et'ıì edetà edeàdo, wınà t'à whaà ı̨tsè.

Luke 15:19

Jǫ gots'ǫ ı̨daà neza aht'e dehsı̨ ha dìì. Hanìkò dǫ negha eghàlageedaa lanì, sı̨ sı negha eghàlaıhdà, haehsı̨ ha,’ nıwǫ.

Luke 15:21

“Weza edetà ts'ǫ̀ hadı, ‘Età, Nǫ̀htsı̨ wek'èch'a hòwhıhtsı̨, nı̨ sı nek'èch'a hòwhıhtsı̨. Jǫ gots'ǫ ı̨daà neza aht'e dehsı̨ ha dìì,’ yèhdı.

Zezì Wecheekeèdeè 2:39

Nǫ̀htsı̨ sìı naxıgha, naxıza gıgha, dǫ hazǫǫ̀ nıwà nàgedèe sìı gıgha, eyıts'ǫ t'aa Nǫ̀htsı̨ gokayahtı ha sìı hanì gogha yatı nìı̨ɂǫ hǫt'e,” gòhdı.

Zezì Wecheekeèdeè 20:37

Hazǫǫ̀ gınatì ajà, edegııtǫ̀ xè gı̨ı̨ts'į̀.

Ephesus 2:13

Hanìkò dıì sìı Zezì-Krı wet'à naxıxè hagǫ̀ht'e-le agòjà. Nǫ̀htsı̨ ts'ǫ̀ nıwà aaht'e ı̨lè hanìkò dıì sìı Zezì-Krı naxıgha wedoò xàı̨tł'ı t'à Nǫ̀htsı̨ ts'ǫ̀ nıwà-le anaxììdlà hǫt'e.

Ephesus 2:17

Naxı̨ Nǫ̀htsı̨ ts'ǫ̀ nıwà aaht'e ı̨lèe sìı Zezì naxıts'ǫ̀ nììtła t'à dànì ts'èwhı̨į̀ goxè hòɂǫ ghǫ naxıts'ǫ̀ goı̨de ı̨lè, eyıts'ǫ dǫ Nǫ̀htsı̨ ts'ǫ̀ nıwà-lea agı̨ı̨t'ee sìı ededı̨ sı hanì gots'ǫ̀ goı̨de ı̨lè.