Luke 14:3 - Nǫ̀htsı̨ Nı̨htł'è

³ Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ goxè geèhkw'e. Zezì dagoehke, “Moses wenàowoò k'ę̀ę̀, asį̀į̀ Nǫ̀htsı̨ Dzęę̀ k'e dǫ k'aàt'ıì ats'ele ha dìì-le?” gòhdı.

Luke 14:3 ပူးပေါင်းရင်းမြစ်များ

Matthew 12:10

Dǫ ı̨łè wılà ełeènııtsoo eyı wheda. Pharısee gı̨ı̨lı̨ı̨ sìı Zezì k'e nìdahogeeɂà ha gı̨ı̨wǫ t'à gıts'ǫ̀ hadı, “Gonàowoò k'ę̀ę̀ ha nı̨dè, asį̀į̀ Nǫ̀htsı̨ Dzęę̀ k'e dǫ k'aàt'ıì ats'ele ha dìì-le?” gıìhdı.

Matthew 12:2

Pharısee gı̨ı̨lı̨ı̨ sìı gogıaɂı̨ ekò Zezì ts'ǫ̀ hagedı, “Gıghàı̨da! Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨,” gedı.

Matthew 22:35

Gıts'ǫ dǫ ı̨łè Nǫ̀htsı̨ Nı̨htł'è k'èhoezǫǫ deè sìı Zezì daehke t'à yeèhdzà.

Mark 3:4

Eyı tł'axǫǫ̀ Zezì dǫ gıts'ǫ̀ xànegı̨ı̨ɂaa sìı gots'ǫ̀ hadı, “Nǫ̀htsı̨ Dzęę̀ k'e ayìı wets'àet'ǫ-le? Dǫ ts'ǫ̀ nezı̨į̀ eghàlats'eedaa, hanì-le-ı̨dè dǫ ts'ǫ̀ hoìla ghàlats'eedaa? Dǫ edaxàts'elee hanì-le-ı̨dè dǫ ełaàts'ehwhıı?” gòhdı. Hanìkò Zezì ts'ǫ̀ t'asagedı-le.

Luke 14:2

Dǫ ı̨łè wekw'ǫǫ̀ hazǫǫ̀ į̀ghà Zezì ts'ǫ̀ ehkw'ıeht'į̀ wheda.

Luke 14:4

Hanìkò t'asagıìhdı-le. Eyıt'à Zezì dǫ eyaelı̨ı̨ k'e daèhdì gà k'aàt'ıì ayį̀į̀là eyıts'ǫ nayeèhɂà.

Luke 6:9

Zezì gots'ǫ̀ hadı, “Nǫ̀htsı̨ Dzęę̀ k'e ayìı wets'àet'ǫ-le? Dǫ ts'ǫ̀ nezı̨į̀ eghàlats'eeda, hanì-le-ı̨dè dǫ ts'ǫ̀ hoìla eghàlats'eeda? Dǫ edaxàts'eehtèe hanì-le-ı̨dè dǫ ełaàts'ehwhıı?” gòhdı.

John 7:23

Moses wenàowoò nàahzhì ha-le dahwhǫ t'à Nǫ̀htsı̨ Dzęę̀ k'e dǫzhìa nàweet'àa sìı naxıgha t'asanìle hǫt'e. Ekò sı̨ Nǫ̀htsı̨ Dzęę̀ k'e dǫ deghàà k'aàt'ıì ahɂı̨ nı̨dè dànìghǫ weghǫ sets'ǫ̀ ààhch'e?