Luke 14:26 - Nǫ̀htsı̨ Nı̨htł'è

²⁶ “Amìı sets'ǫ̀ at'ı̨ı̨ sìı edetà, edemǫ, edets'èkeè, edeza, edechı eyıts'ǫ ededè wegha gıdę ha hǫt'e. Ededı̨ kò edeghǫ nànıwo ha-le. Dǫ hade ha dìì sìı secheekeè elı̨ ha dìì.

Luke 14:26 ပူးပေါင်းရင်းမြစ်များ

Matthew 10:37

“Amìı edetà eyıts'ǫ edemǫ senahk'e goghǫneètǫǫ sìı, secheekeè elı̨ ha dìì. Eyıts'ǫ amìı edeza eyıts'ǫ edetì senahk'e goghǫneètǫǫ sìı secheekeè elı̨ ha dìì.

Luke 14:20

“K'achı̨ ı̨łaà dǫ ı̨łè hadı, ‘Dıìhk'ǫ̀ą honìehdza, eyıt'à nàsı̨ nàhtła ha dìì,’ hadı.

Luke 14:25

Ekìıyeè k'e dǫ łǫ Zezì xè k'egedè. Dǫ hazǫǫ̀ ts'ǫ̀ hadı,

John 12:25

Dǫ edınì k'ę̀ę̀ eda ha nıwǫǫ sìı wedıhołè ha, ekò dıı nèk'e dǫ edınì k'ę̀ę̀ eda ha nıwǫ-le sìı welǫ whìle ts'ǫ̀ eda ha.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Rome 9:13

Eyıt'à dıı hanì dek'eèhtł'è hǫt'e: “Jacob weghǫneehtǫ hǫt'e, hanìkò Esau segha wedę,” dek'eèhtł'è.

Phılıppı 3:8

Eyı zǫǫ̀-le! Zezì-Krı wek'èehsǫ ha, eyı denahk'e segha wet'àaɂà ne t'à, t'asìı hazǫǫ̀ segha wedę lajà. Sets'ǫ̀ K'àowo gha t'asìı hazǫǫ̀ ɂǫ̀ehde. Zezì-Krı ededı̨ zǫ weehwhǫ, eyıts'ǫ wexè ı̨łè laaht'e ha dehwhǫ t'à t'asìı hazǫǫ̀ segha t'asìı-ts'ıì lajà. Moses wenàowoò k'èaht'e t'à ehkw'ı ehda k'ę̀ę̀ sııtà ha dehwhǫ-le, hanìkò Zezì-Krı segha ehkw'ı adı t'à ehkw'ı ehda k'ę̀ę̀ sııtà ha dehwhǫ. Ehkw'ı ts'eeda k'ę̀ę̀ goıtàa sìı Nǫ̀htsı̨ wedahxà hǫt'e, eyıts'ǫ goxı̨ ehkw'ı adı wets'ı̨ı̨hwhǫ t'à.

John Wenazhıı 12:11

Gòet'ı̨ Sahzǫ̀ą wedoò t'à eyıts'ǫ edeyatıì sı t'à gıghǫèhnǫ hǫt'e. Eyı gha ełaàgııde kò gıgha t'asanìle hǫt'e.