Luke 13:25 - Nǫ̀htsı̨ Nı̨htł'è

²⁵ Kǫ̀ ts'ǫ̀ k'àowo naxıts'ǫdanìı̨hgè nı̨dè mǫ̀ht'a nàahza ha. Enìı̨tǫ ts'aaht'ı xè dıı haahdı weghǫnàdaahtì ha, ‘K'àowo, gots'ǫ̀ enìxàı̨chı,’ dahdı kò dıı hanaxèhdı ha, ‘Naxık'èehsǫ-le eyıts'ǫ edı̨į̀ gots'ǫ aaht'ı̨ı̨ sìı wek'èehsǫ-le,’ naxèhdı ha.

Luke 13:25 ပူးပေါင်းရင်းမြစ်များ

Dànì Kèhoį̀wo 7:16

Tıts'aàdìı elàcho yìı gı̨ı̨dee sìı t'asìı hazǫǫ̀ edaa gots'ǫ werezhıì eyıts'ǫ wedets'è agı̨ı̨t'e. Nǫ̀htsı̨ Noah ts'ǫ̀ dàdı ı̨lèe sìı k'ę̀ę̀ agòjà. Hazǫǫ̀ goyagı̨ı̨de tł'axǫǫ̀ gots'ǫ̀ K'àowo gots'ǫdaànìèchì.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Luke 13:27

“Hanìkò naxıts'ǫ̀ dıı hadı ha, ‘Naxık'èehsǫ-le eyıts'ǫ edı̨į̀ gots'ǫ aaht'ı̨ı̨ sìı wek'èehsǫ-le. Hołı̨ı̨-k'alaahdèe-dǫǫ̀ aaht'e, hazǫǫ̀ sets'ǫǫ̀ naahdè!’ naxèhdı ha.

Luke 3:8

Edek'eahłı̨ nı̨dè wek'ę̀ę̀ eghàlaahda. ‘Abraham gotà hǫt'e,’ dahdı-le. Nǫ̀htsı̨ sìı jǫ kwe whelaa t'à Abraham gha chekoa ehtsı̨ wegha dìì nıìle.

Luke 6:46

“Ayìıha, ‘K'àowo, K'àowo,’ sèahdı, hanìkò sek'èaht'e-le?

2 Corınth 6:2

Nǫ̀htsı̨ ededı̨ dıı hadı, “Naxıts'ǫ̀ sınì nezı̨ı̨ ekò k'e naxeèhkw'ǫ ı̨lè, eyıts'ǫ dǫ edaxàgehłee dzęę̀ k'e naxıts'àehdì ı̨lè,” hadı. Ehkw'ı anaxèehsı̨, dıì sìı Nǫ̀htsı̨ naxıts'ǫ̀ wınì nezı̨ hǫt'e, dıì edaxàgolee dzęę̀ hǫt'e.

Hebrew 12:17

Sìghaı̨waà tł'axǫǫ̀ goza ǫhdaà elı̨ı̨ k'ę̀ę̀ wetà yek'eèyahtı ha nıwǫ ı̨lè, hanìkò wetà hayele ha dìì, wek'èahsǫ hǫt'e. Esau sıì hòtł'ò yeghǫ ı̨tsè kò, wetà wınì eładı̨į̀ ayele ha whį̀ayį̀į̀là.