Luke 12:52 - Nǫ̀htsı̨ Nı̨htł'è

⁵² Jǫ gots'ǫ ı̨daà ełèot'ı̨ gı̨ı̨lı̨ı̨ sìı, ełek'èch'a geeda ha. Įłèhkǫ̀ goyìı dǫ sı̨làı nàdè nı̨dè dǫ taı, dǫ nàke k'èch'a geeda ha. Hanì-le-ı̨dè dǫ nàke sìı dǫ taı k'èch'a geeda ha.

Luke 12:52 ပူးပေါင်းရင်းမြစ်များ

Luke 12:51

Dıı nèk'e ts'èwhı̨į̀ agohłe gha jǫ ts'ǫ̀ ahjà dahwhǫ nì? Į̀le ne, dǫ ełek'èch'a geeda gha jǫ ts'ǫ̀ ahjà hǫt'e.

Luke 12:53

Gotà gı̨ı̨lı̨ı̨ sìı edeza k'èch'a geeda ha, eyıts'ǫ gıza edetà k'èch'a geeda ha. Gomǫ gı̨ı̨lı̨ı̨ sìı edetì k'èch'a geeda ha, eyıts'ǫ gıtì edemǫ k'èch'a geeda ha. Eyıts'ǫ ts'èko edeza ts'èkeè k'èch'a geeda ha, eyıts'ǫ dǫ ts'èkeè gı̨ı̨lı̨ı̨ sìı edetsı̨ k'èch'a geeda ha,” Zezì gòhdı.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

John 9:16

Pharısee mǫ̀hdaa Zezì ghǫ hagedı, “Eyı dǫ at'ı̨ı̨ sìı Nǫ̀htsı̨ Dzęę̀ k'èdì nıìle t'à, Nǫ̀htsı̨ gots'ǫ at'ı̨ nıìle,” gedı. Hanìkò mǫ̀hdaa hagedı, “Dıı hanì enıìyah hòèhtsı̨ nı̨dè dànì hołı̨ı̨-hohtsı̨ı̨-dǫǫ̀ welè?” gedı t'à ełek'ę̀ę̀ agı̨ı̨wǫ-le agejà.

Zezì Wecheekeèdeè 28:24

Dǫ mǫ̀hdaa Paul ehkw'ı adı gı̨ı̨wǫ, hanìkò mǫ̀hdaa gıgha ehkw'ı-ahodı-le.