Luke 12:45 - Nǫ̀htsı̨ Nı̨htł'è

⁴⁵ Ekò edahxǫ eyı dǫ edets'ǫ̀ dıı hadı, ‘Sets'ǫ̀ k'àowo whaà nı̨dè jǫ nǫ̀ǫtła ha ne,’ hadı t'à k'àowo wecheekeè dagǫ̀ǫhɂa eyıts'ǫ shètı̨ xè yedǫ zǫ k'alawo.

Luke 12:45 ပူးပေါင်းရင်းမြစ်များ

Matthew 22:6

Eyıts'ǫ dǫ mǫ̀hdaa wecheekeè dagogıachì gà gogeèht'ı gà ełaàgogį̀ı̨hdè.

Luke 12:44

Ehkw'ı anaxèehsı̨, eyı k'àowo sìı t'asìı hazǫǫ̀ wets'ǫ sìı yets'ǫ̀ k'àowoò ayele ha.

Luke 12:46

Wets'ǫ k'àowo dàht'e nǫ̀ǫtła ha yexaelı-le dzęę̀ k'e hǫtsaa nììtła ha. K'àowo hòtł'ò nàyeehkwa ha eyıts'ǫ dǫ gıgha ehkw'ı-ahodı-le sìı goxè whedaà ayele ha.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

John 2:10

“Dǫ hazǫǫ̀ jìetì denahk'e nezı̨ı̨ sìı t'akwełǫ̀ǫ̀ dǫ ghàgeedı hǫt'e. Dǫ deɂǫ̀ǫ̀ jìetì łǫ gıadǫ tł'axǫǫ̀ jìetì nezı̨tsoò-le sìı dǫ ghàgeedı. Hanìkò nı̨ sìı jìetì denahk'e nezı̨ı̨ sìı dıì gogha wek'ènedì nǫǫ̀,” yèhdı.

Zezì Wecheekeèdeè 2:18

Ekìıyeè k'e nı̨dè secheekeè, dǫzhìı eyıts'ǫ ts'èko gı̨ı̨lı̨ı̨ sìı Yedàyeh Nezı̨ı̨ gık'e ahłe ha eyıts'ǫ wedahxà xàyagehtı ha.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

2 Corınth 11:20

Dǫ t'ahoòyį̀ı̨ naxıts'ǫ̀ k'ahogedè, hanì-le-ı̨dè naxıghǫ egeeɂį̀ı̨, naxıt'à edegha sìghà hogehtsı̨, eyıts'ǫ naxınahk'e dǫ nechàa edegeetsı̨, tsį̀naxegeekà kò, hanì naxıts'ǫ̀ eghàlageeda kò naxıgha t'asanìle.

1 Thessalonıca 5:7

Dǫ getee sìı to gete hǫt'e, eyıts'ǫ dǫ geèhdee sìı to geèhde hǫt'e.

2 Peter 2:13

Dànì dǫ ts'ǫ̀ hoìla ghàlagı̨ı̨dà k'ę̀ę̀ gıts'ǫ̀ hoìla adle ha. Dzę kò hołı̨ı̨ k'ę̀ę̀ sìgoèt'ı̨ hogehtsı̨ı̨ gıgha nezı̨. Eyı hanıı dǫ naxıta aget'ı̨ t'à į̀į̀zhaahłı̨ ha naxıghàlageeda. Naxıxè nàsı̨ ghǫ shègezhe kò edehołı̨į̀ k'ę̀ę̀ k'ehogeɂa gıgha nezı̨.

2 Peter 2:19

“T'asìı naxıts'ǫ̀ k'ahowo ha nıìle,” gògedı kò ededı̨ hołı̨ı̨ nàowoò gıts'ǫ̀ k'ahowo. T'asìı dǫ daèt'èe sìı yegha k'àowo elı̨ hǫt'e.

John Wenazhıı 16:6

Nets'ǫ dǫ eyıts'ǫ nakwenàoɂǫǫ gıdoò nałageèhtł'ı ts'ıhɂǫ̀ dıı hanì dǫ gısınìyanehtı. Ayìı dàgı̨ı̨la k'èxa edoò gedǫ agı̨į̀là,” yak'eet'ı̨į̀ hadı.

John Wenazhıı 18:24

Eyı kǫ̀godeè sìı nakwenàoɂǫǫ, Nǫ̀htsı̨ wets'ǫ dǫ eyıts'ǫ dǫ hazǫǫ̀ ełaàgı̨ı̨dèe sìı gıdoò goyìı wègaat'ı̨ hǫt'e,” yak'eet'ı̨į̀ hadı.