Luke 12:40 - Nǫ̀htsı̨ Nı̨htł'è

⁴⁰ Naxı̨ sı, Dǫ-wet'àaɂàa-deè ayìı sadzeè k'e wexaahłı-le sìı k'e nììtła ha ne t'à, wegha ts'atà dahkw'e,” Zezì gòhdı.

Luke 12:40 ပူးပေါင်းရင်းမြစ်များ

Matthew 24:42

“Eyıt'à kexoahdı! Ayìı dzęę̀ k'e naxıts'ǫ̀ K'àowo jǫ nììtła ha sìı wek'èahsǫ nıìle.

Matthew 24:44

Naxı̨ sı, Dǫ-wet'àaɂàa-deè ayìı sadzeè k'e wexaahłı-le sìı k'e nììtła ha ne t'à, wegha ts'atà dahkw'e ha hǫt'e.

Matthew 25:13

“Eyıt'à edexoahdı! Ayìı dzęę̀ k'e eyıts'ǫ ayìı sadzeè k'e hagode ha sìı wek'èahsǫ nıìle,” Zezì hadıì goxè godo.

Rome 13:11

Dıı nèk'e dıì dàgot'ı̨ı̨ sìı wek'èahsǫ ne t'à hanì ełets'ǫ̀ eghàlaahda. Hòt'a ts'ıahwhı lanì ha nìhǫǫwo. Gots'ǫ̀ K'àowo edaxàgole ha ts'ǫ̀ whaà-le agòjà. T'akwełǫ̀ǫ̀ gogha ehkw'ı-ahodı gots'ǫ sìı dıì hòt'a denahk'e wets'ǫ̀ whaà-le agòjà.

Rome 13:14

Hanìkò dıı haaht'ı̨: Gots'ǫ̀ K'àowo Zezì-Krı wınì k'ę̀ę̀ aahda. Dànì gonìłı̨ı̨ k'ę̀ę̀ k'ehots'eɂaa sìı ghǫ nànıahdè-le.

1 Thessalonıca 5:6

Eyıt'à dǫ gıgha ehkw'ı-ahodı-le sìı ekìı gete lanì geeda lats'ııt'è-le. Eyıt'à kexots'ııhdı xè hołı̨ı̨ nàowoò ch'à edek'èts'ııdì.

John Wenazhıı 19:7

Goınà xè weghàsǫts'eedı welè! Hòt'a Sahzǫ̀ą honìda ha nìhǫǫwo; ts'èko ìhchı ha sìı hòt'a sedììdlà hǫt'e.