Luke 12:20 - Nǫ̀htsı̨ Nı̨htł'è

²⁰ “Hanìkò Nǫ̀htsı̨ yets'ǫ̀ hadı, ‘Gonezǫ-le dìì! Dıı toò nedą̀ązhį̀ı̨ neghǫ ìchı ha. T'asìı łǫ edegha ts'atà wheęhłaa sìı hot'eè amìı weghaelı̨į̀ ade ha?’ yèhdı.

Luke 12:20 ပူးပေါင်းရင်းမြစ်များ

Luke 11:40

Goahsǫ-le dìì! Amìı gozhį̀į̀ weka yèhtsı̨ı̨ sìı goyìı sı yèhtsı̨ hǫt'e.

1 Thessalonıca 5:3

Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

1 Tımothy 6:7

Gogǫ̀hłı̨ ekò t'asìı wı̨ı̨zìı dıı nèk'e nèts'ı̨ı̨ɂǫ nıìle, eyıts'ǫ ełaàts'ewı nı̨dè t'asìı wı̨ı̨zìı edexè ats'ele ha nıìle.

James 4:14

Ayìıha hanì goahde? Satsǫ dàgode ha sìı wek'èahsǫ nıìle. Whaà-lea gots'ǫ̀ ɂàh gòhłè eyı tł'axǫǫ̀-ı̨dè dàwhìdì at'į̀, eyı laaht'e.