Luke 11:8 - Nǫ̀htsı̨ Nı̨htł'è

⁸ Ehkw'ı anaxèehsı̨, yeàgı̨ą elı̨ kò, łèt'è yeghàɂeedı ha yets'ǫ̀ nıìtła ha nıìle, hanìkò weàgı̨ą k'èdaà yeekè ts'ıhɂǫ̀, t'aa nıwǫ ts'ǫ̀ yeghàɂeedı ha hǫt'e.

Luke 11:8 ပူးပေါင်းရင်းမြစ်များ

Dànì Kèhoį̀wo 32:26

Eyı dǫ hayèhdı, “Dzęh agodaade t'à sedı̨ı̨chı,” yèhdı. Hanìkò Jacob yets'ǫ̀ hadı, “Nedeehchı ha-le. Yatı nezı̨ı̨ t'à sek'eèyanehtı nı̨dè nedeehchı ha,” yèhdı.

Luke 11:7

“Dǫ edekǫ̀ goyìı whedaa sìı yets'ǫ̀ hadı, ‘Naı̨tłe. Hòt'a enìı̨ɂa eyıts'ǫ seza sexè geète. T'asìı neghàehchı ha nets'ǫ̀ neèhtła ha dìì,’ yèhdı.

Rome 15:30

Eyı la weghàlaehdaa sìı sıì wèhoedı-le t'à sets'àahdı ha hǫt'e. Sèot'ı̨ı̨, Zezì-Krı wedahxà, eyıts'ǫ Yedàyeh Nezı̨ı̨ wesǫnıwǫ dahxà Nǫ̀htsı̨ ts'ǫ̀ segha yaahtı ha naxeehwhǫ.

2 Corınth 12:8

Taà-eht'aà gots'ǫ̀ K'àowo seghǫ yìhchı wèehsı̨ weghǫnàdaehtì ı̨lè.

Colosse 2:1

Naxıgha, kǫ̀ta Laodısıya dǫ nàgedèe sìı gıgha eyıts'ǫ dǫ xàè segıaɂı̨-le sìı gıgha daıhɂa. Dàı̨hcho ts'ǫ̀ naxıgha daıhɂaa sìı wek'èahsǫ ha dehwhǫ.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.