Luke 11:7 - Nǫ̀htsı̨ Nı̨htł'è

⁷ “Dǫ edekǫ̀ goyìı whedaa sìı yets'ǫ̀ hadı, ‘Naı̨tłe. Hòt'a enìı̨ɂa eyıts'ǫ seza sexè geète. T'asìı neghàehchı ha nets'ǫ̀ neèhtła ha dìì,’ yèhdı.

Luke 11:7 ပူးပေါင်းရင်းမြစ်များ

Matthew 25:10

“Tłeh nàgeehdì ha ekǫ geède gıtł'axǫǫ̀ dǫ honìda ha sìı eyı nììtła. T'eekoa ts'atà gıdageèhkw'ee sìı nàsı̨ hołè ha eyı dǫ xè kǫ̀ goyageède gà enìgį̀ı̨hgè.

Luke 11:6

Seàgı̨ą nıwà gots'ǫ seghǫnììtła, hanìkò t'asìı wı̨ı̨zìı weghàehdı ha sets'ǫ-le,’ yèhdı.

Luke 11:8

Ehkw'ı anaxèehsı̨, yeàgı̨ą elı̨ kò, łèt'è yeghàɂeedı ha yets'ǫ̀ nıìtła ha nıìle, hanìkò weàgı̨ą k'èdaà yeekè ts'ıhɂǫ̀, t'aa nıwǫ ts'ǫ̀ yeghàɂeedı ha hǫt'e.

Luke 13:25

Kǫ̀ ts'ǫ̀ k'àowo naxıts'ǫdanìı̨hgè nı̨dè mǫ̀ht'a nàahza ha. Enìı̨tǫ ts'aaht'ı xè dıı haahdı weghǫnàdaahtì ha, ‘K'àowo, gots'ǫ̀ enìxàı̨chı,’ dahdı kò dıı hanaxèhdı ha, ‘Naxık'èehsǫ-le eyıts'ǫ edı̨į̀ gots'ǫ aaht'ı̨ı̨ sìı wek'èehsǫ-le,’ naxèhdı ha.

Luke 7:6

Eyıt'à Zezì gok'èè naèhtła. Wekǫ̀ ts'ǫ̀ nıwà-le nììtła ekò eghǫǫ-dǫǫ̀-gha-k'àowo edeàgı̨ą Zezì ts'ǫ̀ goèhɂà, hadı, “Sets'ǫ̀ K'àowo, dǫ lahoeht'ı̨ nıìle t'à sekǫ̀ nàwhı̨ı̨tła-le kò.

Galatıa 6:17

Eyı weghǫ nǫǫde dıı haehsı̨ ha dehwhǫ, dǫ wı̨ı̨zìı segha hoìla hogıhtsį̀-le. Zezì wegha eghàlaehda k'èxa sezhį̀į̀ k'e seghoò whela hǫt'e.