Luke 11:54 - Nǫ̀htsı̨ Nı̨htł'è

⁵⁴ Edahxǫ ekǫ-le xàyahtı ha gı̨ı̨wǫ t'à t'aats'ǫǫ̀ t'asìı gha Zezì dageehke.

Luke 11:54 ပူးပေါင်းရင်းမြစ်များ

Matthew 22:15

Zezì hadıì goxè goado tł'axǫǫ̀ Pharısee gı̨ı̨lı̨ı̨ sìı whatsǫǫ̀ nègı̨ı̨de gà ełets'ǫ̀ gogede. Dageehke t'à geèhdzà ha gı̨ı̨wǫ. Edahxǫ ekǫ-le xàyaı̨htı nı̨dè weyatıì t'à gık'e nìdahogeeɂà ha ełexè yatı gèhtsı̨.

Matthew 22:18

Hanìkò ekǫ-le xàyahtı ha gı̨ı̨hwhǫ t'à agedıı sìı Zezì gok'èezǫ. Eyıt'à gots'ǫ̀ hadı, “Degaı daahtsı̨ kò wek'ę̀ę̀ aahda nıìle! Ayìıha seahdzà xè seyatıì t'à sek'e nìdahoahɂà ha dahwhǫ?

Matthew 22:35

Gıts'ǫ dǫ ı̨łè Nǫ̀htsı̨ Nı̨htł'è k'èhoezǫǫ deè sìı Zezì daehke t'à yeèhdzà.

Mark 12:13

Eyı tł'axǫǫ̀ Pharısee gı̨ı̨lı̨ı̨ mǫ̀hdaa eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Edahxǫ ekǫ-le xàyaı̨htı nı̨dè weyatıì t'à wek'e nìdahots'eeɂà ha gı̨ı̨wǫ.

Mark 3:2

Dǫ mǫ̀hdaa Zezì k'e nìdahogeeɂà ha gı̨ı̨wǫ t'à hotıì gıxoehdı, asį̀į̀ Nǫ̀htsı̨ Dzęę̀ k'e dǫ k'aàt'ıì ale ha sǫnı gı̨ı̨wǫ.

Luke 11:53

Zezì gots'ǫǫ̀ naèhtła ekò Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ sıì Zezì k'èch'a xàyagı̨ı̨htı.

Luke 20:20

Pharısee gı̨ı̨lı̨ı̨ sìı Zezì xogııhdı ha gı̨ı̨wǫ t'à wenaàhtǫ nàeɂį̀ı̨-dǫǫ̀ gık'èè k'edè agı̨į̀là. Zezì ts'ǫ̀ ehkw'ı k'ehogeɂa laget'ı̨ kò weyatıì t'à gıìhchı ha gı̨ı̨wǫ, hanì-ı̨dè dèe-ts'ǫ̀-k'àowo ghàgıhtè ha.

Luke 20:26

Zezì dǫ łǫ godaà ehkw'ı xàyaı̨htı t'à t'asagele ha dìì. Dàdıì gots'ǫ̀ xàyaı̨htıı sìı gıgha enıìyah t'à t'asanageedı-le.

Zezì Wecheekeèdeè 23:21

Gık'èhoı̨ɂà-le, dǫ dı̨ènǫ daats'ǫ̀ Paul ełaàgıìhwhı ha nàdegeeɂį̀ geèhkw'e. Ełaàgıìhwhı gots'ǫ̀ t'asìı wı̨ı̨zìı gıwàhodı ha-le eyıts'ǫ tı sı gedǫ ha-le gha yatı nàtsoo edegha gèhtsı̨. Dıì-t'ıì sınìgı̨ı̨de hǫt'e, hęɂę gį̀ı̨dı zǫ k'enageèhɂı̨,” cheko yèhdı.