Luke 11:4 - Nǫ̀htsı̨ Nı̨htł'è

⁴ Dǫ gok'èch'a nàhogehdèe sìı gıhołı̨į̀ gıghǫ nahots'eele t'à, gohołı̨į̀ goghǫ nahoı̨le. Hołı̨ı̨ goèhdzà ch'à gok'ènedì,’ ” gòhdı.

Luke 11:4 ပူးပေါင်းရင်းမြစ်များ

Matthew 18:35

“Eyıt'à naxıdzeè t'à naxèot'ı̨ gıghǫ nahoahłe-le nı̨dè Setà yak'e whedaa sìı hanì naxıts'ǫ̀ eghàlaeda ha hǫt'e,” Zezì gòhdı.

Matthew 26:41

Hołı̨ı̨ naxıdaèht'è ch'à edexoahdı xè yaahtı, hanì-ı̨dè hołı̨ı̨ naxıdaèht'è ha-le. Naxıts'ǫ ı̨nì ehkw'ı anıwǫ hanìkò wek'ę̀ę̀ aahda ha wèhoedı-le,” gòhdı.

Luke 11:5

Zezì gots'ǫ̀ hadı, “Dǫ ı̨łè weàgı̨ą gǫ̀hłı̨ ts'ııdì. Totanı weàgı̨ą yets'àèhtła, hayèhdı, ‘Àgı̨ą, łèt'è taı seghǫnìı̨le.

Luke 13:4

Eyıts'ǫ ı̨nę̀ę dàgòjàa sìı ghǫ nànıahdè. Sıloam gòyeh ekǫ dǫ hoònǫ-daats'ǫ̀-ek'èdı̨ gık'e kǫ̀ nechàa nàı̨tł'ı ı̨lè. Eyı dǫ ełaàgı̨ı̨dèe sìı Jerusalem got'ı̨į̀ hazǫǫ̀ gonahk'e hołı̨ı̨ hogèhtsı̨ t'à gıxè hagòjà dahwhǫ nì?

Luke 22:46

“Dànìghǫ wheahte? Nıàhdè, hołı̨ı̨ hoahtsı̨ ch'à edegha yaahtı,” gòhdı.

Luke 8:13

Dǫ mǫ̀hdaa sìı wet'à t'asìı dehshee kwe ta nàı̨tł'ı lagı̨ı̨t'e. Eyı yatı gıìkw'o ts'ǫ̀et'ıì sıì gınà xè gìhchı. Hanìkò gıghochı̨į̀ whìle t'à whaà-lea gots'ǫ̀ gıgha ehkw'ı-ahodı, eyıts'ǫ hoìla nèhòkw'ı nı̨dè gıghǫ nat'è.

John 17:15

Dıı nèk'e dǫ gots'ǫǫ̀ xàgı̨ı̨wa gha yahtı-le, hanìkò wehłı̨ı̨ ch'à gık'èı̨dì gha nets'ǫ̀ yahtı.

1 Corınth 10:13

Dǫ hazǫǫ̀ hołı̨ı̨ t'à dànì geèdzàa sìı wedaats'ǫ̀ naxeèdzà ha nıìle. Nǫ̀htsı̨ sìı t'aats'ǫǫ̀ goxoehdı ha hǫt'e, naxınì nàtso nahk'e ts'ǫ̀ naxeèdzà anaxele ha nıìle. Hanìkò hołı̨ı̨ t'à naxeèdzà nı̨dè, weghǫahnè ha naxınì nàtsoò ayele ha.

Colosse 3:13

Gots'eèdı kò ełınì nezı̨ı̨ aaht'ı̨, eyıts'ǫ ełek'èch'a hòahtsı̨ nı̨dè ełeghǫ nahoahłe. Gots'ǫ̀ K'àowo naxıghǫ nahoı̨la lanì ełeghǫ nahoahłe.

2 Thessalonıca 3:3

Hanìkò gots'ǫ̀ K'àowo hotıì edeyatıì k'èdì hǫt'e, naxıdzeè nàtsoò anaxııle xè, wehłı̨ı̨ ch'à naxık'èdì ha hǫt'e.

2 Tımothy 4:18

Nàowołı̨ı̨ hazǫǫ̀ sek'alawo ch'à gots'ǫ̀ K'àowo edaxàsehtè ha, eyıts'ǫ yak'e wenàowoò k'ę̀ę̀ hòɂǫǫ sìı ts'ǫ̀ asele ha. Welǫ whìle ts'ǫ̀ weghàsǫhoedı welè. Amen.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.