Luke 11:13 - Nǫ̀htsı̨ Nı̨htł'è

¹³ Naxı̨ hołı̨ı̨-hoahtsı̨ı̨-dǫǫ̀ aaht'e kò, naxızaa t'asìı nezı̨ı̨ gıghàahłe k'èhoahsǫ. Naxıtà yak'e whedaa sìı naxınahk'e t'asìı nezı̨ı̨ naxıghàɂà ha hǫt'e. Dǫ Yedàyeh Nezı̨ı̨ geekè nı̨dè gots'ǫ̀ ayele ha hǫt'e!” Zezì gòhdı.

Luke 11:13 ပူးပေါင်းရင်းမြစ်များ

Dànì Kèhoį̀wo 8:21

Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

Matthew 5:45

Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.

Matthew 6:14

Dǫ naxıts'ǫ̀ ehkw'ı eghàlageeda-le sìı gıghǫ nahoahłe nı̨dè Nǫ̀htsı̨ Naxıtà ı̨dòo yak'e whedaa sìı ededı̨ sı naxıghǫ nahoele ha hǫt'e.

Matthew 6:30

Nǫ̀htsı̨ hanì dèè k'e tł'oh wèdaat'ı̨į̀ whehtsı̨ı̨ sìı dıı dzęę̀ k'e dehshe hanìkò satsǫ kwıìgeehdè. Eyı nahk'e nezı̨į̀ naxık'èdì ha, eyıts'ǫ goht'ǫ nezı̨ı̨ naxıghàle ha hǫt'e. Hanìkò naxınì nàtso-le dìì.

Matthew 6:32

Dıı nèk'e dǫ hazǫǫ̀ Nǫ̀htsı̨ k'ègeezǫ-le sìı eyı hanıı zǫ k'alagedè. Hanìkò Naxıtà yak'e whedaa sìı ayìı t'à aahda yek'èezǫ hǫt'e.

Matthew 7:11

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxıza t'asìı nezı̨ı̨ gıghàahłe k'èahsǫ. Naxıtà yak'e whedaa sìı dǫ geekè nı̨dè naxınahk'e t'asìı nezı̨ı̨ goghàyele ha hǫt'e.

Luke 11:12

Hanì-le-ı̨dè eyè naxıgeekè nı̨dè asį̀į̀ nàèdıłı̨ı̨-k'àle lanıı gıghàahɂà ha?

Luke 11:2

Zezì gots'ǫ̀ hadı, “Yaahtı nı̨dè dıı haahdı: ‘Gotà, nıızì degaı ts'edı hǫt'e. Nı̨ k'àı̨wo k'ę̀ę̀ hòɂǫ welè.

Luke 18:7

Dǫ-sınìyaehtıı-dǫǫ̀ wejıı sìı hanì ehkw'ı eghàlaeda nı̨dè Nǫ̀htsı̨ dǫ edegha nàwhehtsı̨ı̨ sìı asį̀į̀ gogha denahk'e ehkw'ı eghàlaeda ha dahwhǫ? Dzęę̀, toò Nǫ̀htsı̨ ts'ǫ̀ nàdageetì nı̨dè whaà nageèhɂı̨į̀ agǫ̀ǫ̀hwhǫ ha nì?

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

Zezì Wecheekeèdeè 2:38

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Rome 5:17

Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ ełaàgede ha ı̨lè. Nǫ̀htsı̨ eyı nahk'e t'asìı deè gogha hayį̀į̀là: Dǫ ı̨łè wet'ǫ̀ǫ̀ Nǫ̀htsı̨ edesǫnıwǫǫ̀ denahk'e goghàyeɂà ha eyıts'ǫ dǫ hazǫǫ̀ wexè geedaa sìı ehkw'ı geedaa k'ę̀ę̀ gııtà ha hǫt'e. Eyı dǫ sìı Zezì-Krı hǫt'e.

Rome 7:18

T'asìı nezı̨ı̨ wı̨ı̨zìı sets'ǫ̀-èlı̨ nıìle wek'èehsǫ, sınì hazǫǫ̀ hołı̨ı̨ zǫ hǫt'e. Ayìı nezı̨ı̨ sìı weghàlaehda ha dehwhǫ, hanìkò t'asìı nezı̨ı̨ weghàlaehda ha segha dìì hǫt'e.

Rome 8:32

Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.