Luke 10:36 - Nǫ̀htsı̨ Nı̨htł'è

³⁶ Zezì dǫ daehke, “Eyı dǫ taı gıghǫ nìı̨dee sìı, amìı eyı dǫ ts'ǫ̀ edèot'ı̨ ts'àdıı elı̨ı̨ lanì?” yèhdı.

Luke 10:36 ပူးပေါင်းရင်းမြစ်များ

Matthew 17:25

Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.

Matthew 22:42

“Chrıst wèts'edıı sìı weghǫ dàahwhǫ? Amìı weza ne?” gòhdı. “K'àowocho Davıd Weza ne,” gıìhdı.

Luke 10:35

Ek'èdaedzęę̀ nats'eetee-kǫ̀-k'èdìı-dǫǫ̀ ts'àɂeèhdì, hadı, ‘Wek'èędì, jǫ nǫehtła nı̨dè dıı sǫǫ̀mba weɂǫ̀ǫ̀ senı̨htł'è ajà nı̨dè nets'àɂeehdì ha,’ yèhdı,” Zezì hadıì yexè godo.

Luke 10:37

Eyı dǫ hadı, “T'aa eteyeèɂı̨ı̨ sìı,” yèhdı. Eyıt'à Zezì hayèhdı, “Wexèht'eè dǫ etenèeɂı̨,” yèhdı.

Luke 7:42

Edenı̨htł'è nageele ha dìì t'à dǫ goghaetł'èe sìı į̀łak'aà gını̨htł'è wedę ayį̀į̀là. Eyı dǫ nàke sìı amìı denahk'e yeghǫneètǫ ha sǫnı?” Zezì yèhdı.