Luke 10:29 - Nǫ̀htsı̨ Nı̨htł'è

²⁹ Eyı dǫ ezhı̨ne k'ę̀ę̀ daɂeehke ha nıwǫ-le t'à Zezì ts'ǫ̀ hadı, “Amìı sèot'ı̨ agı̨ı̨t'e awį̀ı̨dı?” yèhdı dayeehke.

Luke 10:29 ပူးပေါင်းရင်းမြစ်များ

Mark 8:34

Zezì, wecheekeè eyıts'ǫ dǫ hazǫǫ̀ edets'ǫ̀ gokayaı̨htı tł'axǫǫ̀ gots'ǫ̀ hadı, “Amìı sek'èè at'ı̨ ha nıwǫǫ sìı edeghǫ nànıwo ha nıìle eyıts'ǫ edets'ǫ dechı̨et'aa sek'èè nayatı̨ ha hǫt'e.

Luke 10:36

Zezì dǫ daehke, “Eyı dǫ taı gıghǫ nìı̨dee sìı, amìı eyı dǫ ts'ǫ̀ edèot'ı̨ ts'àdıı elı̨ı̨ lanì?” yèhdı.

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Rome 10:3

Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.

Rome 4:2

Abraham nezı̨į̀ eghàlaı̨dà k'èxa ehkw'ı awììdlà nı̨dè yeghǫ xàdahodì ha dìì-le ı̨lè. Hanìkò Nǫ̀htsı̨ nadąą̀ edeghǫ xàdahodì ha dìì.

Galatıa 3:11

Dǫ wı̨ı̨zìı Moses wenàowoò t'à Nǫ̀htsı̨ nadąą̀ ehkw'ıì awedle ha nıìle, eyı sìı hotıì wek'èhoedzǫ hǫt'e. Dıı hanì dek'eèhtł'è t'à, “Dǫ ehkw'ı agı̨ı̨t'ee sìı Nǫ̀htsı̨ gıgha ehkw'ı-ahodı t'à geeda ha,” dek'eèhtł'è.

James 2:24

Eyı ts'ıhɂǫ̀ dǫ dànì eghàlaeda weghàà dǫ ehkw'ı eda k'ę̀ę̀ wııtà hǫt'e, wegha ehkw'ı-ahodı zǫ t'à nıìle.