Luke 10:20 - Nǫ̀htsı̨ Nı̨htł'è

²⁰ Hanìkò ı̨nìłı̨ı̨ naxık'èagı̨ı̨t'e t'à eyı ghǫ naxınà welè-le. Hanìkò naxıızì yak'e dek'eèhtł'è t'à eyı ghǫ naxınà welè,” Zezì gòhdı.

Luke 10:20 ပူးပေါင်းရင်းမြစ်များ

Matthew 10:1

Zezì edecheekeèdeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha eyıts'ǫ dǫ k'aàt'ıì agele ha goghàhòı̨ɂǫ.

Matthew 26:24

Hotıì Nǫ̀htsı̨ Nı̨htł'è k'e dànì dek'eèhtł'è k'ę̀ę̀ Dǫ-wet'àaɂàa-deè ełaàwı ha hǫt'e, hanìkò amìı k'aodèe gotł'aàyehtè ha sìı wegha hoìla nechà ha hǫt'e. Eyı dǫ wegǫ̀hłı̨-le nı̨dè denahk'e wegha nezı̨ ha ı̨lè,” gòhdı.

Matthew 27:5

Eyıt'à Zhıdàà sǫǫ̀mba Nǫ̀htsı̨kǫ̀-gocho goyayeèhde gà t'asį̀ı̨ dadèhdlì.

Phılıppı 4:3

Hęɂę, seàgı̨ą nı̨ t'aats'ǫǫ̀ sexè eghàlaneedàa sìı eyı ts'èko nàke gıts'àądı. Godı nezı̨ı̨ gha sexè hòtł'ò eghàlagı̨ı̨dà ı̨lè, Clement wexè sı eghàlagı̨ı̨dà, eyıts'ǫ dǫ eyıì-le sexè agıat'į̀ı̨ sı gıxè. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è hǫt'e.

Hebrew 12:23

Dǫ hazǫǫ̀ Nǫ̀htsı̨ ghàgììzhaa sìı gıta dahkw'eè aahjà, eyıts'ǫ gıxè naxıızì yak'e dek'eèhtł'è hǫt'e. Nǫ̀htsı̨ dǫ hazǫǫ̀ gosınìyaehtıı sìı ghǫ nìahde hǫt'e, dǫ deghàà degaı agììdlàa sìı gıts'ǫ ı̨nì ts'ǫ̀ nìahde hǫt'e.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 17:8

Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.

John Wenazhıı 20:12

Eyıts'ǫ dǫ ełaı̨dèe sìı gìgoèht'į̀. Dǫ wet'àaɂàa eyıts'ǫ dǫ wet'àaɂà-le hazǫǫ̀ eyı daèhchı̨cho degoo gà nàgeèhza. Enı̨htł'ècho mǫ̀hdaa ts'ǫdaà xàaza wègaat'ı̨, eyıts'ǫ k'achı̨ enı̨htł'è ı̨łè wets'ǫdaà xàatǫ. Eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è. T'akwełǫ̀ǫ̀ enı̨htł'è whelaa wek'e ayìı dek'eèhtł'èe sìı eyı weghàà dǫ ełaı̨dèe sìı gısınìyaetı hǫt'e.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.

John Wenazhıı 3:5

T'aa hołı̨ı̨ ghǫehnèe sìı eyı lanì goht'ǫ degoo yìı geèhkw'e ha. Nı̨htł'è k'e dǫ welǫ whìle ts'ǫ̀ geeda gha gıızì dek'eèhtł'èe sìı gots'ǫ gıızì ejınahwha ha-le, hanìkò Setà wenadąą̀ eyıts'ǫ yak'eet'ı̨į̀ gınadąą̀ eyı dǫ wek'èehsǫ dehsı̨ ha.