Luke 10:2 - Nǫ̀htsı̨ Nı̨htł'è

² Zezì edecheekeè ts'ǫ̀ hadı, “Dèè k'e t'asìı dehshee dıìdìı łǫ dìì hanìkò dǫ nàyehtsį̀ ha łǫ-le. Eyıt'à t'asìı dehshee nàts'ehtsį̀ ts'ǫ̀ k'àowo weahkè, hanì-ı̨dè t'asìı dehshee nàgehtsį̀ı̨ dǫǫ̀ gots'ǫ̀ ayele ha.

Luke 10:2 ပူးပေါင်းရင်းမြစ်များ

Matthew 20:1

“Nǫ̀htsı̨ Wenàowoò k'ę̀ę̀ hòɂǫǫ sìı dıı lanì hǫt'e: K'àowo ı̨łè dèè wets'ǫ sìı wek'e dǫ eghàlageeda ha nıwǫ. Eyıt'à k'omǫǫ̀dǫǫ̀ et'ıì dǫ hanıwǫ.

Mark 13:34

Dıı godı lagode ha: Dǫ ahxee t'asį̀ı̨ gǫǫwà ts'ǫ̀ kǫ̀taetła ha t'à edecheekeè t'asìı hazǫǫ̀ ts'ǫ̀ k'àhogedè agǫǫ̀là eyıts'ǫ gıtaàt'eè la goghàı̨ɂǫ. Eyıts'ǫ detła kwe enìı̨tǫ-k'èdìı-dǫǫ̀ ts'ǫ̀ hadı, ‘Hotıì kexoı̨hdı,’ yèhdı.

Mark 16:15

Eyıts'ǫ gots'ǫ̀ hadı, “Dıı nèk'e hazǫǫ̀ ts'ǫ̀ aahde, godı nezı̨ı̨ dǫ hazǫǫ̀ ts'ǫ̀ haahdı.

Mark 16:20

Eyı tł'axǫǫ̀ wecheekeè godı nezı̨ı̨ t'à dǫ xè gogedo ha hazǫǫ̀ nèk'e ts'ǫ̀ agejà. Gots'ǫ̀ K'àowo goxè eghàlaeda eyıts'ǫ enıìyah łǫ hogèhtsı̨į̀ agohɂı̨ weghàà wegodıì ehkw'ı hǫt'e wek'èhoedzǫǫ̀ ayį̀į̀là.

Luke 9:1

Zezì edecheekeèdeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha eyıts'ǫ dǫ k'aàt'ıì agele ha goghàhòı̨ɂǫ.

Zezì Wecheekeèdeè 11:19

Ekìıyeè k'e Stephen ełaàgį̀ı̨hwho tł'axǫǫ̀ Nǫ̀htsı̨ wecheekeè dagogį̀ı̨hɂa t'à ehkègı̨ı̨de ı̨lè. Phoenıcıa nèk'e, Cyprus dı wheɂǫǫ eyıts'ǫ kǫ̀godeè Antıoch haı̨wa ts'ǫ̀ agejà. Ekǫ Israel got'ı̨į̀ zǫ ts'ǫ̀ godı nezı̨ı̨ nègı̨ı̨ɂǫ.

Zezì Wecheekeèdeè 13:2

Įłàà yagehtı xè edegegǫ ekò Yedàyeh Nezı̨ı̨ gots'ǫ̀ goı̨de, hadı, “Barnabas eyıts'ǫ Saul segha eghàlageeda ha t'à, seghàgıahłe,” gòhdı.

Zezì Wecheekeèdeè 13:4

Barnabas eyıts'ǫ Saul Yedàyeh Nezı̨ı̨ k'egohɂı̨ t'à kǫ̀ta Seleucıa ts'ǫ̀ agejà eyı gots'ǫ Cyprus dı nechàa wheɂǫǫ ts'ǫ̀ geèɂe.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Zezì Wecheekeèdeè 22:21

“Hanìkò gots'ǫ̀ K'àowo sets'ǫ̀ hadı, ‘Nıį̀tła, nıwàa nèk'e dǫ eyıì-le xàɂaa gıts'ǫ̀ anehłe ha,’ sèhdı,” Paul hadıì dǫ hazǫǫ̀ ts'ǫ̀ goı̨de.

Zezì Wecheekeèdeè 8:4

Nǫ̀htsı̨ wecheekeè edı̨į̀ ehkègı̨ı̨dee sìı ekǫ godı nezı̨ı̨ t'à dǫ xè gogedo.

1 Corınth 12:28

Nǫ̀htsı̨ sìı t'akwełǫ̀ǫ̀ wecheekeè gıta gots'ǫ edecheekeèdeè gǫį̀hchìı hǫt'e, eyı k'èè nakwenàoɂǫǫ, eyı k'èè dǫ-hoghàehtǫǫ-dǫǫ̀, eyı k'èè enıìyah-hogehtsı̨ı̨-dǫǫ̀, eyı k'èè dǫ-k'aàt'ıì-agehɂı̨ı̨-dǫǫ̀, eyı k'èè dǫ-ts'àdıı-dǫǫ̀, eyı k'èè t'asìı-gha-k'aodèe-gı̨ı̨lı̨ı̨-dǫǫ̀, eyıts'ǫ eyı k'èè yatı-ładı̨ı̨-t'à-gogedee-dǫǫ̀ gǫį̀hchìı hǫt'e.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

Phılıppı 2:21

Dǫ hazǫǫ̀ edegha sìghà zǫ gı̨ı̨wǫ, hanìkò Zezì-Krı dànıwǫǫ sìı gıdaànıedè-le.

Phılıppı 2:25

Dıì gogha sìı Epaphrodıtus naxıts'ǫ̀ anahłe ha dehwhǫ. Sèot'ı̨ hǫt'e, sexè eghàlaeda eyıts'ǫ sexè godı nezı̨ı̨ ts'àdaedı hǫt'e. Ededı̨ sìı naxıgodıì sets'ǫ̀ nèyı̨ı̨ɂǫ, eyıts'ǫ ayìı segha whìle sìı t'à sets'àdı gha sets'ǫ̀ weahɂà ı̨lè.

Phılıppı 2:30

Zezì gha eghàlaeda k'èxa k'àhdzǫ ełaı̨wo t'e. Naxı̨ sets'àahdı ha dìì t'à ededı̨ ełaàwı ha wegha hoejı̨ kò sets'àı̨dì ı̨lè.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

1 Thessalonıca 5:12

Sèot'ı̨ı̨, dǫ naxıgha hòtł'ò eghàlageedaa sìı gots'ǫ̀ K'àowo wedahxà naxıgha k'aodèe gı̨ı̨lı̨ı̨ eyıts'ǫ hołı̨ı̨ hoahtsı̨ ch'à naxıts'ǫ̀ gogedee sìı nezı̨į̀ gıts'ǫ̀ naahɂa.

2 Thessalonıca 3:1

Sèot'ı̨ı̨, nǫǫde t'à dıı hanaxèehsı̨ ha dehwhǫ: Gots'ǫ̀ K'àowo wegodıì nezı̨ı̨ sìı ı̨whąą̀ dǫ ta ts'ǫ̀ ats'ele gha, eyıts'ǫ naxıxè hagòjà lanì dǫ gıghǫ sìghà agedı xè gık'ę̀ę̀ geeda gha, gogha yaahtı.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.

2 Tımothy 4:5

Hanìkò nı̨ sìı t'asìı hazǫǫ̀ gha nınì ehkw'ı anehwhǫ, negha hoìla kò wexè ts'èwhı̨į̀ ı̨da. Godı nezı̨ı̨ k'eneɂa gha nekayaetı ne t'à, la neghǫ̀t'ǫǫ sìı t'aats'ǫǫ̀ wek'ę̀ę̀ hòtł'ò eghàlaı̨da.

Phılemon 1:1

Sı̨ Paul aht'e, Zezì-Krı wegha eghàlaehda t'à dǫ-danìı̨laa-kǫ̀ whıhda. Gòet'ı̨ Tımothy wexè Phılemon ts'ǫ̀ eehtł'è. Nı̨ sìı goàgı̨ą-deè anet'e eyıts'ǫ goxèht'eè godı nezı̨ı̨ gha eghàlaı̨da hǫt'e.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

John Wenazhıı 2:1

“Kǫ̀ta Ephesus Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ nàgòts'ehnèe whǫ̀ łǫ̀hdı̨ welatł'aà whela xè ek'aèk'ǫchı̨į̀ łǫ̀hdı̨ ta k'etłoo sìı dıı weyatıì hǫt'e: