Luke 1:78 - Nǫ̀htsı̨ Nı̨htł'è

⁷⁸ Nǫ̀htsı̨ sıì etegoòhɂı̨ hǫt'e. Edaxàgohtè nı̨dè yak'e gots'ǫ gok'e sa nı̨ı̨dı̨ lagode ha.

Luke 1:78 ပူးပေါင်းရင်းမြစ်များ

John 3:16

“Nǫ̀htsı̨ dıı nèk'e dǫ hazǫǫ̀ sıì goghǫneètǫ t'à, edeza ı̨łàet'ee dǫ tł'aàyį̀ı̨htı̨. Amìı ehkw'ı adı yı̨ı̨hwhǫǫ sìı wedıhołè ha-le, welǫ whìle ts'ǫ̀ eda ha.

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

Phılıppı 1:8

Zezì-Krı wets'ıhɂǫ̀ sıì naxıghǫneehtǫ eyıts'ǫ naxıxè aht'e ha dehwhǫ; Nǫ̀htsı̨ yek'èezǫ hǫt'e.

Phılıppı 2:1

Zezì-Krı wexè ı̨łè aaht'e t'à naxınì nàtso welè, naxıghǫneètǫ t'à naxınà welè, Yedàyeh Nezı̨ı̨ wexè naxınì ı̨łè zǫ welè, naxıdzeè t'à dǫ eteahɂı̨ welè.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

2 Peter 1:19

Goxè hanàhòwo ts'ıhɂǫ̀ nakwenàoɂǫǫ gıyatıì ehkw'ı hǫt'e denahk'e wek'èts'eezǫǫ̀ ats'ejà. Eyı yatı sìı togoòtł'òo nı ek'aèk'ǫ nı̨ı̨dı̨ lanì hǫt'e. Dzę wegòò èhkǫ gots'ǫ̀, eyıts'ǫ naxıdzeè yìı whǫ̀-k'eàhkaa daaɂaà ade gots'ǫ̀ hotıì wenaahdì welì.

1 John 3:17

Dǫ t'asìı łǫ wets'ǫ sìı wèot'ı̨ t'asìı wets'ǫ-le yek'èezǫ kò eteyeèɂı̨-le nı̨dè, dànì Nǫ̀htsı̨ goghǫneètǫǫ sìı k'ę̀ę̀ eda ha?

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.