Luke 1:53 - Nǫ̀htsı̨ Nı̨htł'è

⁵³ Dǫ degeèhdìı sìı nezı̨į̀ shègezheè agohɂı̨, hanìkò dǫ ahxee sìı t'asìı dę nagoèhɂà.

Luke 1:53 ပူးပေါင်းရင်းမြစ်များ

Matthew 5:6

Amìı nàowo ehkw'ıı ghǫ sıì hòtł'ò agı̨ı̨wǫǫ sìı gıxè sìghà hǫt'e; ayìı gı̨ı̨wǫǫ sìı gıghǫ̀t'à ha.

Luke 1:54

Nǫ̀htsı̨, Israel wecheekeè gı̨ı̨lı̨ı̨ sìı etegoòɂı̨ t'à gots'àı̨dì hǫt'e.

Luke 6:21

Dıì deahdì nı̨dè naxıxè sìghà hǫt'e; nezı̨į̀ shèahzhe ha. Dıì aahtse nı̨dè naxıxè sìghà hǫt'e; nàɂaahdlò ha.

Luke 6:24

Naxı̨ dǫ ahxee yàahłı̨ı̨ sìı dıì hòt'a naxıgha nàhotì-le hòɂǫ t'à naxıgha hoìla ha hǫt'e.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

1 Corınth 1:26

Sèot'ı̨ı̨, Nǫ̀htsı̨ naxıkayaı̨htı kwe dǫ dàhòt'ı̨ı̨ aahłı̨ ı̨lèe sìı ghǫ nànıahdè. Dıı nèk'e dǫ gınàowoò k'ę̀ę̀ naxıta gots'ǫ dǫ łǫ gogı̨ı̨zǫ ts'edı ha dìì, dǫ łǫ k'aodèe gı̨ı̨lı̨ı̨ ts'edı ha dìì, eyıts'ǫ dǫ łǫ dǫ ahxee gots'ǫ gıgǫ̀hłı̨ ts'edı ha dìì.

1 Corınth 4:8

Hòt'a t'asìı hazǫǫ̀ naxıts'ǫ dahwhǫ nì? Naxı̨ hòt'a dǫ ahxee wheahłı̨ dahwhǫ nì? Godę kò k'àowocho wheahłı̨ dahwhǫ nì? Xàè k'àowocho wheahłı̨ nı̨dè dehwhǫ, hanì-ı̨dè goxı̨ naxıxè k'àowocho ts'ı̨ı̨lı̨ ha!